ភ្នំពេញ ៖ បុរសរត់ឌុប passapp ម្នាក់ ដែលត្រូវជាកូនតារាកំប្លែងនាយក្តិបបានជួបគ្រោះថ្នាក់ចរាចរណ៍រថយន្តបុកពេញ ទំហឹងបណ្តាលអោយរងរបួសធ្ងន់ធ្ងរត្រូវបានប្រជាពលរដ្ឋជួយយកទៅមន្ទីរពេទ្យភ្លាមៗ ហេីយបានស្លាប់ ។
ហេតុការណ៍នេះបានកើតឡើងកាលពីវេលាម៉ោង១១នឹង១៥នាទីយប់ថ្ងៃទី៨ខែមករាឆ្នាំ២០២០តាមបណ្តោយផ្លូវជាតិលេខ៦Aនៅចំណុចស្ពានទី១ក្បែរនឹងវត្តខ្ទរស្ថិតក្នុងសង្កាត់ព្រែកលៀបខណ្ឌជ្រោយចង្វារ។
តាមប្រភពព័ត៌មានជុំវិញកន្លែងកើតហេតុបានអោយដឹងថាមុនពេលកើតហេតុខាងលើនេះគេបានបុរសម្នាក់បានបើករថយន្តបង្កមួយគ្រឿងម៉ាកនីសាន់ពណ៌ទឹកប្រាក់ពាក់ស្លាកលេខភ្នំពេញ2AG-3961បើកបរតាមបណ្តោយផ្លូវជាតិលេខ៦ក្នុងទិសដៅពីត្បូងទៅជើងក្នុងល្បឿនយ៉ាងលឿនខណបើកមកដល់ចំណុចកើតបានជ្រុលបុកម៉ូតូកង់បីឥណ្ឌាពណ៌សពាក់ស្លាកលេខភ្នំពេញ1HR-8111បើកបរតាមបណ្តោយ
ផ្លូវជាតិលេខ៦ពីមុខពេញទំហឹងបណ្តាលឲ្យកំពិតរងការខូចខាតផ្នែកខាងមុខបែកកញ្ចក់រួចរថយន្តបង្កនៅមិនទាន់អស់ល្បឿនបានរ៉េចង្កូតទៅបុកផើងផ្កានៅមុខផ្ទះប្រជាពលរដ្ឋបែកអស់ចំនួនមួយផើងថែមទៀតចំណែកអ្នកបើកម៉ូតូកង់បីរងរបួសបែកក្បាលធ្ងន់ធ្ងរបានប្រជាពលរដ្ឋនៅក្បែរកន្លែងកើតហេតុជួយនាំយកទៅមន្ទីរពេទ្យ ប៉ុន្តែអកុសល ដោយសាររបួសធ្ងន់ធ្ងរពេកបានផុតដង្ហេីមទៅ ។
បើយោងតាមសមត្ថកិច្ចក៏បានបញ្ជាក់ ប្រាប់ថាជនរងគ្រោះខាងលើនេះគឺជាកូនប្រុសបង្កើតតារាសំដែងនាយក្តិប។
ក្រោយពេលកើតហេតុម៉ូតូនឹងរថយន្តបង្កត្រូវបានសមត្ថកិច្ចធ្វើការវាសវែងយកទៅរក្សាទុកនៅការិយាល័យ ចរាចរណ៍ផ្លូវគោកនៃសង្នការរាជធានីភ្នំពេញដើម្បីរងចាំដោះស្រាយគ្នានៅពេលក្រោយ៕ចាន់ធឿន
