កម្លាំងទាហានអាកាសអ៊ីស្រាអែល បន្តបើកការវាយប្រហារទៅលើទីតាំង យោធា នៅក្នុងប្រទេសស៊ីរី ដោយចោទថាទីតាំងទាំងនោះបានលាក់ក្រុមភេរវកម្ម ។
កម្លំាងទាហានស៊ីរីបានប្រកាសថា យន្តហោះចម្បាំងអ៊ីស្រាអែលបានបាញ់មីស៊ីលជាច្រើនគ្រាប់ទៅលើទីតាំង ទាហានអាកាសស៊ីរី។ ប៉ុន្តែប្រព័ន្ធការពារដែនអាកាសស៊ីរី បានបាញ់ស្ទាក់កម្ទេចមីស៊ីលរបស់អ៊ីស្រាអែលបានជាច្រើនគ្រាប់។
ការវាយប្រហារខាងលើ នៅថ្ងៃទី១៤ខែវិច្ឆិកា សម្តៅទៅលើទីតាំងយោធា T-4 នៅភាគកណ្តាលនៃប្រទេសស៊ីរី ។ការវាយប្រហារនោះមិនបណ្តាលឲ្យខូចខាតទ្រង់ទ្រាយធំនោះឡើយ ដោយប្រព័ន្ធការពារដែនអាកាសបានបាញ់ស្ទាក់ដោយជោគជ័យ។
ប៉ុន្តែនៅមានមីស៊ីល៤គ្រាប់បានធ្លាក់ចំទីតាំងទ័ពអាកាស ។កម្លាំងទាហានស៊ីរីបានឲ្យដឹងថា ការវាយប្រហារចេញពីទីតាំង យោធា អាមេរិកស្ថិតនៅក្នុងតំបន់ Al Tanfភាគអាគ្នេយ៍នៃប្រទេសស៊ីរី។ ការវាយប្រហារនោះបណ្តាលឲ្យខូចខាត អាកាសយានដ្ឋាន យោធា T-4 តែមិនមានទាហានណាម្នាក់ស្លាប់នោះឡើយ។
នេះជាការវាយប្រហារ ថ្មីបំផុតរបស់អ៊ីស្រាអែលទៅលើទីតាំងយោធានៅក្នុងប្រទេសស៊ីរី ដោយសង្ស័យថា ទីតាំងនោះមានក្រុមខ្មាន់កាំភ្លើងគាំទ្រដោយអ៊ីរ៉ង់ លាក់ខ្លួន។ នេះជាការវាយប្រហារលើកដំបូងក្រោយអាមេរិកសម្លាប់មេទ័ពអ៊ីរ៉ង់ QasemSoleimaniកាលពីថ្ងៃទី៣ខែមករា ឆ្នាំ២០២០ ៕
