ភ្នំពេញ: បុរសម្នាក់សង្ស័យប្រចណ្ឌនឹងសង្សាររបស់ខ្លួនបានដកកាំភ្លើងបាញ់រះជាច្រើនគ្រាប់ទៅលើស្ត្ត្រីជាសង្សារបណ្ដាលឲ្យរងរបួសធ្ងន់ធ្ងរហេីយបានបញ្ជូនទៅសង្គ្រោះតែជាអកុសល់ជនរងគ្រោះក៏បានស្លាប់ក្រោយពេលបញ្ជូនទៅសង្គ្រោះនៅឯមន្ទីរពេទ្យ។

ហេតុការណ៍ភ្ញាក់ផ្អើលបានកើតឡើងនៅវេលាម៉ោងប្រមាណជាង ៨ យប់ថ្ងៃទី១៦ ខែមករាឆ្នាំ២០២០  ស្ថិតនៅចំណុចផ្ទះលេខ ០៣ ផ្លូវបេតុងBT ក្នុងបុរីរំចេក ភូមិអូរដឹមសង្កាត់កន្ទូក ខណ្ឌកំបូលរាជធានីភ្នំពេញ។

សពជនរងគ្រោះនិងជនដៃដល់មិនទាន់ស្គាល់អត្តសញ្ញាណនៅឡើយទេ។

តាមប្រភពពីប្រជាពលរដ្ឋរស់ក្បែរកន្លែងកើតហេតុបានឲ្យដឹងថាផ្ទះដែរទីតាំងកើតហេតុខាងលើនេះគឺមានសង្សារមួយគូរស្នាក់នៅហើយពួកគេទាំងពីរនាក់ដឹងជាមានរឿងអ្វីនោះទេ។លុះដល់ម៉ោងកើតហេតុបាន​ឮសំឡេងផ្ទុះអាវុធជាច្រើនគ្រាប់។ប្រភពដដែលបន្តទៀតថាបន្ទាប់មានការភ្ញាក់ផ្អើលហើយនាំគ្នាទៅមើលឃើញស្ត្រីម្នាក់ដេកសន្លប់ស្តូកស្តឹងនៅក្នុងថ្លុកឈាមនៅក្នុងផ្ទះដែលពួកគេស្នាក់នៅ។ភ្លាមភ្លាមនោះគេឃើញបុរសម្នាក់សង្ស័យជាសង្សារបស់ជនរងគ្រោះបានលើកជនរងគ្រោះដាក់តាមម៉ូតូកង់បីមួយគ្រឿងបញ្ជូនទៅគ្រោះនៅឯមន្ទីរពេទ្យភ្លាមៗតែដោយសារជនរងគ្រោះរបួសធ្ងន់ធ្ងរពេកត្រូវបានស្លាប់បាត់បង់ជីវិតនៅឯមន្ទីរពេទ្យ។ចំជនដៃជនដៃដល់ក្រោយពីធ្វើសកម្មភាពរួចបានរត់គេចខ្លួនបាត់ស្រម៉ោល។

ក្រោយកើតហេតុសមត្ថកិច្ចមូលដ្ឋានបានចុះមកដល់កើតហេតុរួចបានទំនាក់ទំនងទៅសមត្ថកិច្ចជំនាញចុះមកពិនិត្យនៅកន្លែងកើតហេតុ។ដោយ ឡែកសពជនរងគ្រោះត្រូវបានដឹកទៅតម្កល់នៅក្នុងវត្តស្ទឹងមានជ័យរងចាំសមត្ថកិច្ចជំនាញចុះទៅធ្វើកោសល្យវិច័យដើម្បីប្រគល់សពជូនទៅសាច់ញាតិយកទៅធ្វើបុណ្យតាមប្រពៃណី។ចំពោះករណីខាងលើនេះសមត្ថកិច្ចកំពុងតែធ្វើការស្រាវជ្រាវបន្ត៕សុខាសែនជ័យ​