ភ្នំពេញ៖ ក្រុមក្មេងស្ទាវ មួយក្រុមប្រដាប់ដោយដាវសាំម៉ូរ៉ៃគ្រប់ដៃ បានចូលកាប់ ក្នុងផ្ទះ Honey Milk’លក់ទឹកភេសជ្ជ: បណ្តលអោយរងរបួសធ្ងន់ម្នាក់ និងខ្ទេចម៉ូតូ៤គ្រឿង ទាំងស្រុង ។
កាលពីវេលាម៉ោង៣ និង៥០នាទីរសៀលថ្ងៃទី០៥ ខែមករា ឆ្នាំ២០១៦ ស្ថិតនៅផ្ទះល្វែងលេខ B26 លក់ភេសជ្ជ: យ៉ីហោ Honey Milk’s តាមផ្លូវបេតុង ខាងកើតជាប់របងវិទ្យាល័យជម្ពូវ័ន ភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ ហើយក្រុមបង្កបានរតគេចគេចអស់ ។
ជនរងគ្រោះ រងរបួសធ្ងន់ ឈ្មោះ អ៊ូ សុខហេង ភេទប្រុស អាយុ២៤ឆ្នាំ មុខរបរ ជានិស្សិត ត្រូវជាកូនម្ចាស់ផ្ទះ កើតហេតុខាងលើ ។ ក្រៅពី រងរបួស មានម៉ូតូចំនួន៤គ្រឿង ទទួលរងការខូចខាត បាក់ បែក និងដាច់ស្លាកលេខបាត់ : ទី១- ម៉ូតូម៉ាក ហុងដា សេ១២៥ សេរី២០១៥ ពណ៌ខ្មៅ ពាក់ស្លាកលេខ ភ្នំពេញ 1CL-0748 បែកកុងទ័រ ជាម៉ូតូរបស់ជនរងគ្រោះ ។ ទី២- ម៉ូតូម៉ាក ហុងដា សេ១២៥ សេរី២០១៥ ពណ៌ខ្មៅ ពាក់ស្លាកលេខ ភ្នំពេញ 1EF-5012 មានម្ចាស់ឈ្មោះ ហ៊ួរ សុភ័ក្រ ភេទប្រុស អាយុ១៨ឆ្នាំ មុខរបរ សិស្សសាលា រស់នៅភូមិព្រៃជីសាក់ សង្កាត់ចោមចៅ ( ម៉ូតូត្រូវបានជនល្មើស កាប់យកស្លាកលេខទៅបាត់ និងបែកកុងទ័រ ) ។ ទី៣- ម៉ូតូម៉ាក ហុងដា សេ១១០ សេរី២០១២ ប៊ិច ពណ៌ខ្មៅ ពាក់ស្លាកលេខ ភ្នំពេញ 1BT-5518 ជាម៉ូតូ របស់ម្ចាស់ឈ្មោះ អេង សុខណា ភេទប្រុស អាយុ១៨ឆ្នាំ មុខរបរសិស្សសាលា រស់នៅភូមិអង្គកែវ សង្កាត់ចោមចៅ ( ម៉ូតូត្រូវបានជនល្មើស កាប់យកស្លាកលេខទៅបាត់ និងបែកកុងទ័រ ) ។ ទី៤- ម៉ូតូម៉ាក ស្កុបពី ពណ៌ស លាយផ្កាឈូក ពាក់ស្លាកលេខ ភ្នំពេញ 1AX-2418 មានម្ចាស់ឈ្មោះ ម៉ិល យ៉ុងវ៉ាន់សាក់ ភេទប្រុស អាយុ១៧ឆ្នាំ មុខរបរសិស្សសាលា រស់នៅភូមិព្រៃព្រីងជើង សង្កាត់ចោមចៅ ខណ្ឌពោធិ៍សែនជ័យ ។ ម្ចាស់ម៉ូតូទាំង៣គ្រឿងខាងលើ ជាភ្ញៀវ ចូលហូបភេសជ្ជ:នៅផ្ទកើតហេតុ ពុំមានរងរបួស បន្ទាប់ពីរត់គេចផុតពីផ្លែដាវ ក្រុមក្មេងស្ទាវ ។
តាមសម្តី បងប្រុស របស់ជនរងគ្រោះ ជាម្ចាស់ផ្ទះបានឱ្យដឹងថា មុនពេលកើតហេតុ ផ្ទះរបស់គាត់មានភ្ញៀវចូលហូប ៦ទៅ៧នាក់ ចំណែក ជនរងគ្រោះ ត្រូវជាប្អូនបង្កើត កំពុងអង្គុយ លាយម្សៅ សម្រាប់ធ្វើនំ លក់ ខាងក្រោយ កន្លែងចង្ក្រានបាយ ហើយនៅវេលាខាងលើ ស្រាប់តែមាន ក្មេងស្ទាវមួយក្រុម ជាង១០នាក់ ជិះម៉ូតូ ចំនួន៧គ្រឿង មកឈប់ពីខាងមុខផ្ទះ ប្រដាប់ទៅដាវសាំម៉ូរ៉ៃ កាន់នឹងដៃ ដើរចូលទៅ កាប់ប្រហារ ជនរងគ្រោះ ដែលកំពុង អង្គុយលាយម្សៅ ជាមួយម្តាយ បង្កឱ្យផ្អើលពេញផ្ទះ ធ្វើឱ្យភ្ញៀវ រត់គេចជាន់ជើងគ្នា ហើយក្រុមជនល្មើសទាំងនោះ កាប់ វាយទៅលើម៉ូតូ និងកាប់យកស្លាកលេខ ម៉ូតូ២គ្រឿង ហើយនាំគ្នា ឡើងជិះម៉ូតូរត់គេចខ្លួនបាត់អសល់ ។ ក្នុង ហេតុការខាងលើ បណ្តាលឱ្យជនរងគ្រោះជាម្ចាស់ផ្ទះរងរបួសធ្ងន់ ម៉ូតូ៤គ្រឿងរងការខូចខាត ។ ក្រោយកើតហេតុភ្លាមៗ ជនរងគ្រោះ របួសធ្ងន់ត្រូវបាន ម្តាយ នាំទៅសង្គ្រោះនៅគ្លីនិកជម្ពូវ័ន ក្បែរកន្លែងកើតហេតុ ។
បើតាម ជនរងគ្រោះ ជាភ្ញៀវ រត់រួចពីផ្លែដាវ ក្រុមក្មេងស្ទាវទាំងនោះ បានឱ្យដឹងថា ពួកខ្លួនមិនដែលស្គាល់ ក្រុមជនទាំងនោះទេ ហើយក៏មិនដឹងថា ពួកគេនៅទីណាដែរ ខណ:ដែលអង្គុយ ហូបទឹកសុខៗ មិនដឹងខ្លួន ស្រាប់តែ ជនល្មើសទាំងនោះ កាន់ដាវនឹងដៃ ចូលមកកាប់ ទាំងម្ចាស់ផ្ទះ ទាំងសម្ភារ: បង្កឱ្យភិតភ័យ នាំគ្នារត់គេចយកតែអាយុជីវិត ។
ក្រោយកើតហេតុ ទើបក្រុមគ្រួសារជនរងគ្រោះ មកប្តឹងនគរបាលប៉ុស្តិ៍ចោមចៅ ឱ្យជួយអន្តរាគមន៍ និងដាក់បណ្តឹង ឱ្យជួយស្រាវជ្រាវ ៕
ដោយ៖ សុខាសែនជ័យ
