ភ្នំពេញ៖ នារីវ័យជាង២០ឆ្នាំម្នាក់បើករថយន្តម៉ាក ឡិចស៊ីស RX350 មួយគ្រឿងបត់ស្ដាំដោយមិនបានប្រុងប្រយ័ត្ន ធ្លាក់ចូលក្នុងការរណ្តៅ ដ្ឋានផ្លូវរងការខូចខាត សំណាងល្អមិនបណ្ដាលអោយអ្នកបើករថយន្ដរងរបួស ឬគ្រោះថ្នាក់ដល់អ្នកដ៏ទៃ។
ហេតុការណ៍នេះបានកើតឡើងកាលពីវេលាម៉ោង២នឹង៥០នាទីរំលងអាធ្រាតឈានចូលថ្ងៃទី៦ ខែមករា ឆ្នាំ២០១៦ តាមបណ្តោយផ្លូវលេខ៧០ កែងនឹងផ្លូវលេខ5K ស្ថិតក្នុងសង្កាត់ទួលសង្កែ ខណ្ឌឬស្សីកែវ។
ប្រភពពត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញនារីវ័យក្មេងម្នាក់បើករថយន្តមួយគ្រឿងម៉ា់ក ឡិចស៊ីស RX350 ពណ៍ស ពាក់ស្លាកលេខ ភ្នំពេញ 2Z-5767 បើកបរដោយនារីវ័យប្រហែលជាង20ឆ្នាំ ម្នាក់ បើករថយន្តតាមបណ្តោយផ្លូវលេខ៧០ ទិសដៅពីកើតទៅលិច លុះមកដល់ចំណុចកើតហេតុបានបត់ស្ដាំមិនបានមើលមុខក៏ធ្លាក់ចូលក្នុងរណ្តៅការដ្ឋានសាងសង់ផ្លូវបណ្តាលឱ្យរងការខូចខាតរថយន្ត សំណាងល្អអ្នកបើកបរមិនមានរងរបួស និងមិនបង្កគ្រោះថ្នាក់ដល់អ្នកដទៃ ។
ក្រោយមកម្ចាស់រថយន្តបានទំនាក់ទំនងទៅរថយន្តស្ទូច ឱ្យមកស្ទូចយកទៅធ្វើការជួសជុលដោយខ្លួនឯង ហើយសមត្ថកិច្ចក៏មិនបានហាមឃាត់អ្វីនោះទេ ដោយសារតែមិនបង្កគ្រោះថ្នាក់ដល់អ្នកដទៃឬសម្បត្តិសារធារណៈ៕
ដោយ៖ ព្រែកជ័យ
