ខេត្តកំពង់ឆ្នាំង៖ ជនសង្ស័យម្នាក់ត្រូវបានសមត្ថកិច្ចនគរបាលព្រហ្មទណ្ឌកម្រិតស្រាល នៃស្នងការដ្ឋានខេត្តកំពង់ឆ្នាំង បានបញ្ជូនទៅតុលាការខេត្តកំពង់ឆ្នាំង ក្រោយពីបានរកឃើញជនសង្ស័យនេះ បានលួចម៉ូតូរបស់ប្រជាពលរដ្ឋយកមកលាក់ទុក។ ជនសង្ស័យត្រូវបានបញ្ជូនទៅតុលាការកាលពីល្ងាចថ្ងៃទី៥ ខែមករា ឆ្នាំ២០១៦ ។
សមត្ថកិច្ច បានអោយដឹងថា ជនសង្ស័យខាងលើនេះមានឈ្មោះ ឈិត ស៊ីនឿន អាយុ៣៥ឆ្នាំ មានទីលំនៅភូមិតាំងក្រសាំង សង្កាត់ក្រាំងធ្នុង ខណ្ឌ័ពោធិសែនជ័យ រាជធានីភ្នំពេញ ។
សមត្ថកិច្ចបានអោយដឹងទៀតថា កាលពីថ្ងៃទី៤ ខែមករា ឆ្នាំ២០១៦ ប្រជាពលរដ្ឋពីនាក់បានរាយការណ៍មកសមត្ថកិច្ចនគរបាលស្រុកកំពង់ត្រឡាច ត្រូវបានចោលួយចម៉ូតូពីរគ្រឿង ។ ក្រោយពីទទួលបានព័តមាននេះកម្លាំងសមត្ថកិច្ចបានចេញតាមគោលដៅដើម្បីធ្វើការស្រាវជ្រាវរកមុខសញ្ញា ក្នុងពេលនោះសមត្ថកិច្ច ហើយក៏បានប្រទះឃើញម៉ូតូមួយគ្រឿង ម៉ាកអេសអិល ដែលត្រូវជនសង្ស័យផ្តួលចោលនៅចុងភូមិដកស្និត ឃុំជ្រេស ហើយគេចខ្លួនបាត់ ។បន្ទាប់មក ក៏បានប្រទះឃើញម៉ូតូ ៣គ្រឿងទៀតជាបន្តបន្ទាប់ នៅក្នុងភូមិកំពង់ក្តារ ក្នុងនោះមានម៉ូតូម៉ាយ៉ាម៉ាហាស៊ីរ៉ុស១គ្រឿង ម៉ូតូម៉ាកហុងដាអ៊ែប្លេក១គ្រឿង និង ម៉ូតូម៉ាកសង់កូរ៉េ១គ្រឿង រនិងវិទ្យុទាក់ទងមួយគ្រឿងផងដែរ ដែលបក្ខពួកជនសង្ស័យទុកចោលចោល ។
សមត្ថកិច្ចបានអោយដឹងថា រហូតដល់វេលម៉ោង១១ទើបសមត្ថកិច្ចរកឃើញជនសង្ស័យខាងលើ ដើរមករកផ្លូវជាតិដើម្បីគេចខ្លួន ដោយមានទាំងរបួសជើងក្នុងពេលដែល ផ្តួលម៉ូតូដើម្បីគេចខ្លួនពីសមត្ថកិច្ច ។
នៅចំពោះមុខសមត្ថកិច្ច ជនសង្ស័យបានព្យាយាមឆ្លើយបដិសេធន៍ថា ខ្លួនមិនបានធ្វើសកម្មភាពលួចម៉ូតូរបស់ប្រជាពលរដ្ឋនោះទេ ។ ប៉ុន្តែបើតាមការស្រាវជ្រាវពីសមត្ថកិច្ចជំនាញ បានបញ្ជាក់ថា ជនសង្ស័យនេះពិតជាបានធ្វើសកម្មភាពពិតប្រាកដមែន ។ ហើយនៅល្ងាចថ្ងៃទី៥ សមត្ថកិច្ចបានកសាងសំណុំរឿងបញ្ជូនទៅតុលាកាដើម្បីចាត់ការបន្តតាមនីតិវិធី ៕
ដោយ៖ ចន្ថា
