ភ្នំពេញ៖ ជនសង្ស័យជាចោរលួចម៉ូតូម្នាក់ត្រូវកម្លាំងល្បាតនគរបាលប៉ុស្តិ៍ចាប់ឃាត់ខ្លួនបាន ខណៈពេលរូបគេធ្វើសកម្មភាពលួចម៉ូតូម៉ាកស៊ុយស៊ីគី វីវ៉ាមួយគ្រឿង ។
កាលពីវេលាម៉ោង៦ល្ងាច ថ្ងៃទី៥ ខែមករា ឆ្នាំ២០១៦ នៅចំណុចផ្ទះលេខ១E ស្ថិតនៅតាមបណ្តោយផ្លូវលេខ១៩៧ ក្រុម២២ ភូមិ៤ សង្កាត់ ទំនុបទឹក ខណ្ឌចំការមន រាជធានីភ្នំពេញ ។
ជនសង្ស័យមានឈ្មោះ ផន ភក្តី ភេទប្រុស អាយុ២៧ឆ្នាំ មុខរបររើសអេតចាយ មានទីលំនៅផ្ទះជួលនៅម្ដុំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ៕ ចំណែក ជនរងគ្រោះមានឈ្មោះ អ៊ូ រិទ្ធី ភេទប្រុស អាយុ២៩ឆ្នាំ ស្នាក់នៅផ្ទះលេខ១E ស្ថិតនៅតាមបណ្តោយផ្លូវលេខ១៩៧ ក្រុម២២ ភូមិ៤ សង្កាត់ ទំនុបទឹក ខណ្ឌចំការមន រាជធានីភ្នំពេញ ។
តាមប្រភពព័ត៌មានពីជនរហគ្រោះបានប្រាប់ឱ្យដឹងថា មុនពេលកើតហេតុរូបគេបានជិះម៉ូតូ១គ្រឿងម៉ាកស៊ុយស៊ីគី វីវ៉ា ពណ៍ក្រហម ពាក់ស្លាក់លេខក្រចេះ1A-7232 ទើបតែមកពីដើរលេងក្រោយមកក៏បានជិះមកផ្ទះវិញក៏បានទុកម៉ូតូនៅក្នុងផ្ទះហើយបានឡើងទៅលើផ្ទះមួយស្ទុះក្រោយមកក៏ស្រាប់តែមានជនសង្ស័យម្នាក់បានបើកទ្វារផ្ទះរបស់ជនរងគ្រោះហើយបានបណ្ដើរចេញពីផ្ទះ។ ពេលនោះជនរងគ្រោះក៏បានលឺសំលេងទ្វារផ្ទះដូចជាមានគេបើកក៏បានស្ទុះមកមើលក៏បាត់ម៉ូតូក៏បានរត់ចេញទៅខាងមុខផ្ទះក៏ស្រាប់តែឃើញជនសង្ស័យម្នាក់កំពុងតែបណ្ដើរម៉ូតូរបស់ខ្លួន ។ ពេលនោះជនរងគ្រោះក៏ដេញតាមពីក្រោយហើយស្រែកថាចោរៗចៃដន្យពេលនោះក៏ត្រូវកម្លាំងល្បាតនគរបាលប៉ុស្តិ៍ទំនុបទឹកប្រទះឃើញក៏ដេញចាប់ភ្លាមៗតែមង្ត ។
ក្រោយពេលកើតហេតុជនសង្ស័យ ត្រូវបានសមត្ថកិច្ចនាំទៅកាន់ប៉ុស្តិ៍នគរបាលរដ្ឋបាលទំនុបទឹកធ្វើការសាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមន ដើម្បីចាត់ការបន្តតាមនិតិវិធីច្បាប់ ។ ចំណែកម៉ូតូជនរងគ្រោះត្រូវបានសមត្ថកិច្ចប្រគល់ឱ្យទៅរងគ្រោះវិញ ៕
...
ដោយ៖ ស រស្មី
