លោកវរសេនីយ៍ឯក ម៉ក់ ហុង អធិការខណ្ឌសែនសុខ ប្រាប់ឲ្យដឹងថា ប្រតិបត្តិការបង្ក្រាបបទល្មើសគ្រឿងញៀននៅភូមិត្រពាំងឈូក សង្កាត់ទឹកថ្លា នេះ ដោយមានការសម្របសម្រួលពីលោក អ៊ុំ សុភក្រ័ ព្រះរាជអាជ្ញារងអមសាលាដំបូងរាជធានីភ្នំពេញ ឃាត់បានជនសង្ស័យចំនួន ១២នាក់ ក្នុងនោះស្រី ១នាក់ រួមទាំងឧបករណ៍ប្រើប្រាស់គ្រឿងញៀនមួយចំនួនទៀត នាំទៅកាន់អធិការដ្ឋាននគរបាលខណ្ឌសែនសុខធ្វើការសួរនាំ។

លោកវរសេនីយ៍ឯក ម៉ក់ ហុង ប្រាប់បន្តឲ្យដឹងថា នេះមិនមែនជាលើកទីមួយនោះទេ ដែលកម្លាំងរបស់លោកចុះបង្ក្រាប បទល្មើសគ្រឿងញៀននៅភូុមិត្រពាំងឈូក សង្កាត់ទឹកថ្លា  ក្នុងនោះឃាត់ឃាត់មនុស្សពាក់ព័ន្ធបទល្មើសរាប់រយនាក់ ដកហូតគ្រឿងញៀនជាច្រើនកញ្ចប់ កសាងសំណុំរឿងបញ្ជូនទៅកាន់តុលាការរាជធានីភ្នំពេញ ចាត់ការតាមច្បាប់៕