ភ្នំពេញ៖ ហាងយីហោ54ល្ងាចស្រស់ ដែលនៅជិតនឹងរបងវិទ្យាល័យព្រះស៊ីសុវត្ថិហើយបានផ្ទុះហ្គាសបង្កឲ្យមានភ្លើងឆាបឆេះប៉ុន្តែសំណាងល្អរថយន្តពន្លត់អគ្គិភ័យជួយអន្តរាគមន៍ទាន់ពេលវេលា និង​បណ្តាលឲ្យមនុស្សរបួសស្រាល២នាក់ ។

ហេតុការណ៍ភ្ញាក់ផ្អើលខាងលើនេះបានកើតឡើងនៅវេលាម៉ោង៤ និង៣០នាទីល្ងាចថ្ងៃទី៦ ខែមករា ឆ្នាំ២០១៦ នៅក្នុងហាងផឹកស៊ីយីហោល្ងាចស្រស់54តាមបណ្តោយផ្លូវ១៧៨ ជិតនឹងរបងសាលាវិទ្យាល័យព្រះស៊ីសុវត្ថិសង្កាត់ផ្សារ៣ ខណ្ឌដូនពេញ ។

តាមប្រភពព័ត៌មានបានឲ្យដឹងថា មុនពេលកើតហេតុគឺចុងភៅនាំគ្នាធ្វើម្ហូបទុកសម្រាប់ភ្ញៀវមិនដឹងថាមកពីមូលហេតុអ្វីចុងភៅក៏បានបើកហ្គាសបណ្តាលឲ្យឆាបភ្លើងផ្ទុះឡើងតែម្តង ។

បន្ទាប់ពីមានការផ្ទុះធុងហ្គាសនោះឡើង លោកហួត ចាន់យ៉ារ៉ាន់ អធិការដ្ឋានគរបាលខណ្ឌដូនពេញ បានបញ្ជាកម្លាំង និងធ្វើការទំនាក់ទំនងពីការិយាល័យពន្លត់អគ្គិភ័យចុះមកបាញ់ភ្លាមៗផងដែរ ។

បច្ចុប្បន្នសម្ភារៈដែលខូចខាតមួយចំនួន សមត្ថកិច្ចកំពុងធ្វើការត្រួតពិនិត្យបន្ត ៕

ដោយ​៖ ស ដារ៉ា