ខេត្តកណ្តាល ៖ ជនត្រូវចោទដែលមានតួនាទីជាមន្ត្រីនគរបាលខេត្តកណ្តាលពាក់ស័ក្តិ៣មួយរូប ត្រូវបានអយ្យការអមសាលាដំបូងខេត្តកណ្តាលសម្រេចដាក់ឃុំខ្លួនក្នុងពន្ធនាគារ ពីបទហិង្សាដោយចេតនា និង បទធ្វើឱ្យខូចខាត ដោយចេតនា ដែលប្រព្រឹត្តនៅផ្សារព្រែកតូច ស្ថិតនៅភូមិព្រៃរុនក្រោម ឃុំព្រែកគយ ស្រុកស្អាង ខេត្តកណ្តាល កាលពីថ្ងៃ ទី២៥ ខែមករា ឆ្នាំ២០២០ ។
យោងតាមជីកាបង្គាប់ឱ្យឃុំខ្លួនរបស់ រស់ ជុន ចាន់និមល ចៅក្រមស៊ើបសួរសាលាដំបូងខេត្តកណ្តាល ចុះថ្ងៃទី៣១ ខែមករា ឆ្នាំ២០២០ អោយដឹងថា ជនត្រូវចោទឈ្មោះ ហែន លីណា ហៅ ម៉ាប់ ភេទប្រុស អាយុ ៣១ឆ្នាំ ជនជាតិខ្មែរ សញ្ជាតិខ្មែរ មុខរបរមន្ត្រីនគរបាល រៀនថ្នាក់ បរិញ្ញាប័ត្រ ទីកន្លែងកំណើតនៅភូមិត្រពាំងភ្លោះ ឃុំជ្រៃធំ ស្រុករមាសហែក
ខេត្តស្វាយរៀង និងទីលំនៅមុនពេលឃាត់ខ្លួននៅភូមិស្វាយជួរ ឃុំកោះខែល ស្រុកស្អាង ខេត្តកណ្តាល ឪពុកឈ្មោះ ហែន សាគុណ (ស្លាប់) ម្តាយឈ្មោះ ហុង ណារិន (រស់) ប្រពន្ធឈ្មោះ ឡេង មួយហៀងកូន ០១នាក់ ជានីតិជន ។
ផ្អែកតាមដីបង្គាប់ឱ្យឃុំខ្លួនអោយដឹងទៀតថា ជនត្រូវចោទរូបនេះត្រូវបានដាក់ឱ្យស្ថិតនៅក្រោមការពិនិត្យពីបទហិង្សាដោយចេតនា និង បទធ្វើឱ្យខូច
ខាតដោយចេតនា ប្រព្រឹត្តនៅផ្សារព្រែកតូច ស្ថិតនៅភូមិព្រៃរុនក្រោម ឃុំព្រែកគយ ស្រុកស្អាង ខេត្តកណ្តាល
កាលពីថ្ងៃទី២៥ ខែមករា ឆ្នាំ២០២០ ជាបទល្មើសព្រហ្មទណ្ឌដែលមានចែង និង ផ្តន្ទាទោសតាមបញ្ញត្តិមាត្រា
២១៧ និង មាត្រា ៤១០ នៃក្រមព្រហ្មទណ្ឌ ។
ជនត្រូវចោទដែលមានអត្តសញ្ញាណដូចខាងលើ បង្គាប់មកប្រធានពន្ធនាគារខេត្តកណ្តាល ទទួល និង ឃុំខ្លួនក្នុងពន្ធនាគារ តាមដីកាបង្គាប់នេះ ៕ ដោយ ៖ ជាយក្រុង
