ភ្នំពេញ៖ ថ្ងៃទី៧ ខែមករា ឆ្នាំ២០១៦ ជាទិវាខួបលើកទី៣៧ឆ្នាំ (៧ មករា ឆ្នាំ១៩៧៩-៧ មករា ឆ្នាំ២០១៦) នៃទិវាជ័យជំនះលើបនប្រល័យពូជសាសន៍ របបវាលពិឃាត ប៉ុល ពត ។
ពិធីនេះប្រព្រឹត្តឡើងយ៉ាងមហោឡារិកស្ថិតនៅទីស្នាក់ការកណ្តាលគណបក្សប្រជាជនកម្ពុជា ខណ្ឌចំការមន រាជធានីភ្នំពេញ ក្រោមអធិបតីភាព សម្តេច ហេង សំរិន ប្រធានកិត្តិយស គណបក្សប្រជាជនកម្ពុជា និងលោកជំទាវ, សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងមានការអញ្ជើញចូលរួមពីមន្ត្រីជាន់ខ្ពស់ សមាជិក សមាជិកា គណបក្ស ព្រមទាំង មហាជនយ៉ាងរាប់ពាន់នាក់ ៕
