ភ្នំពេញ៖ ជនង្ស័យម្នាក់ក្នុងចំណោមបក្ខពួក៤នាក់ ត្រូវកំលាំងល្បាតរបស់នគរបាលប៉ុស្តិ៍ទឹកល្អក់ទី២ ខណ្ឌទួលគោក ធ្វើការឃាត់ខ្លួនបានជាក់ស្តែង ពីបទប៉ុនប៉ងលួច (ឆក់កាបូប ពុំបានសម្រេច ) ប្រព្រឹត្តកាលពីវេលាម៉ោង៥ល្ងាច ថ្ងៃទី០៦ ខែមករា ឆ្នាំ២០១៦ នៅចំណុចមុខផ្ទះលេខ ១២១ ផ្លូវលេខ១៦០ កែងផ្លូវលេខ២៦១ ក្រុមទី ៣៧ ភូមិ១៣ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីមន្ត្រីនគរបាលប៉ុស្តិ៍ទឹកល្អក់ទី២ បានឲ្យដឹងថា ជនសង្ស័យឈ្មោះ សុខ ពុធមិថុនា ហៅ មិថុនា ភេទប្រុស អាយុ ២៣ឆ្នាំ ជនជាតិខ្មែរ មុខរបរ ពុំពិត ប្រាកដ ស្នាក់នៅផ្ទះជួលពុំចាំលេខ ម្តុំសំណង់១២ សង្កាត់ទឹកល្អក់ទី៣ ខណ្ឌទួលគោក ។ចំណែកឯជនរងគ្រោះ ពុំស្គាល់អត្តសញ្ញាណ ភេទស្រី អាយុប្រហែល ៣៧ឆ្នាំ ( ក្រោយពេលកើតហេតុ បានជិះរ៉ឺម៉កកង់បីទៅបាត់ ពុំបានប្តឹងទេ ) ។
វត្ថុតាងចាប់យក : ម៉ូតូមួយគ្រឿងម៉ាក Suzuki Nex ពណ៌បៃតង ស៊េរី 2013 ពាក់ស្លាកលេខ ភ្នំពេញ 1CM-7863 មានលេខតួ និងលេខម៉ាស៊ីន 301404 (ជាម៉ូតូដែលជនសង្ស័យជិះធ្វើសកម្ម ភាពឆក់ ) ។
មន្ត្រីដដែល បានបន្តទៀតថា នៅមុនពេលកើតហេតុ ជនរង គ្រោះបានជិះរ៉ឺម៉កម៉ូតូកង់បី មានកាន់កាបូបនៅដៃ ធ្វើដំណើរតាមបណ្តោយផ្លូវលេខ១៦០ ពីកើតទៅលិច ពេលធ្វើដំណើរមកដល់ចំណុចកើតហេតុ ស្រាប់តែមានជនសង្ស័យ០៤នាក់ ជិះម៉ូតូ០២ គ្រឿងធ្វើដំណើរបញ្ច្រាស់ទិស បានធ្វើសកម្មភាព ឆក់កាបូបពីជនរងគ្រោះ តែពុំបានសម្រេចទេ ហើយព្យាយាមជិះម៉ូតូគេចខ្លួន ពេលនោះជនរង គ្រោះស្រែកចោរៗ ទើបកំលាំងល្បាតរបស់នគរ បាលប៉ុស្តិ៍ទឹកល្អក់ទី២ បានអន្តរាគមន៍ឃាត់ខ្លួន ដេញចាប់បានម្នាក់ចំណែក០៣នាក់ទៀតបានជិះម៉ូតូ គេចខ្លួនបាត់ ។
បច្ចុប្បន្នជនសង្ស័យខាងលើ កំពុងឃាត់ខ្លួន ជាបណ្តោះអាសន្ននៅអធិការដ្ឋាននគរបាលខណ្ឌ ទួលគោក ដើម្បីសាកសួរ និងកសាងសំណុំរឿង បញ្ជូនទៅតុលាការ ចាត់ការតាមផ្លូវច្បាប់ ៕
ដោយ៖ ស ដារ៉ា
