ភ្នំពេញ៖ បន្ទាប់ពីកាដូរបស់សម្តេចមិនឲ្យមានការបង់ប្រាក់ការធ្វើប័ណ្ណបើកបរម៉ូតូក្រោមកម្លាំង១២៥CC និងមានការគាំទ្រអបអរសាទរយ៉ាងខ្លាំងពីសំណាក់សិស្ស និស្សិត ប្រជាពលរដ្ឋមកនោះ ឆ្លើយតបទៅនឹងការលើកឡើងរបស់ប្រជាពលរដ្ឋដែលបានសួរថា តើសម្តេចចុះបញ្ហារឿងប័ណ្ណបើកបរឡាន តើមានការចុះតម្លៃដូជម៉ូតូទេ? ពីព្រោះបើគិតទៅ ប័ណ្ណបើកបរឡានថ្លៃណាស់ ទាំងពាក់មី និងប្រឡងចូលជិត១៨០ដុល្លារហើយ សម្តេចបានឆ្លើយតបភ្លាមៗក្នុងរឿងនេះ ដោយសម្តេចមានប្រសាសន៍ថា នឹងចុះថ្លៃ ហើយស្ថាប័នពាក់ព័ន្ធកំពុងប្រជុំ ។ ហោចណាស់ចុះថ្ងៃ៥០ភាគរយដែរ ។
នៅក្នុងផេកសម្តេចតេជោនាយករដ្ឋមន្ត្រី មានការថ្លែងអំណរគុណ ជូនពរ និងគាំទ្រយ៉ាងខ្លាំងពីប្រជាពលរដ្ឋនូវអ្វីដែលសម្តេចបានឆ្លើយតប និងបានគិតគូរដល់ប្រជាពលរដ្ឋ សំខាន់ថ្ងៃទី៧ មករា ឆ្នាំ២០១៦នេះ ប្រជាពលរដ្ឋក្នុងក្របខ័ណ្ធទូទាំងប្រទេសបានទទួលនូវសារឆ្លើយតបសម្តេចលើការមិនបង់ប្រាក់សម្រាប់ប័ណ្ណបើកបរម៉ូតូ ក្រោមកម្លាំង១២៥CC ហើយសម្តេចបានបង្ហាញថា នឹងចុះយ៉ាងហោចណាស់ក៏៥០ភាគរយ សម្រាប់ការធ្វើប័ណ្ណបើកបររថយន្ត ៕
ដោយ៖ សុខ ខេមរា
