ភ្នំពេញ៖រថយន្តក្រឡុកសុីម៉ង់ដ៏បុកម៉ូតូបត់ឆ្លងផ្លូវពីក្រោយបណ្តាលឲ្យសិស្សស្រីម្នាក់រងរបួសបាក់ភ្លៅ និងម្នាក់ទៀតរងរបួសស្រាល។

ហេតុការណ៍គ្រោះថ្នាក់ចរាចរនេះបានកើតឡើងកាលពីម៉ោង១១និង៤០នាទី ថ្ងៃទី ៦ ខែកុម្ភៈ ឆ្នាំ ២០២០ នៅតាមផ្លូវ ភ្លោះមុខវិទ្យាល័យជាស៊ីមជ្រោយចង្វារ ភូមិ 3 សង្កាត់ ជ្រោយចង្វា ខណ្ឌ ជ្រោយចង្វា រាជធានីភ្នំពេញ ។

សមត្ថកិច្ចបានឲ្យដឹងថា៖ ជនរងគ្រោះឈ្មោះ គ្រុយ សុភាព អាយុ 20 ឆ្នាំ មុខរបរធ្វើការក្រុមហ៊ុននៅផ្សាអុីអន 2 បើកបរ
មម៉ូតូម៉ាកហុងគប់ជ្រុង ពាក់ផ្លាកលេខ ភ្នំពេញ 1HM-6105  ស្នាក់នៅ ផ្លូវ វត្តចាស់ ភូមិ 1 សង្កាត់ ជ្រោយចង្វាខណ្ឌ ជ្រោយចង្វា រាជធានីភ្នំពេញ រងរបួលស្រាល អ្នករួមដំណេីរឈ្មោះ លាង ចន្ថា ភេទស្រី អាយុប្រហែល 14 ឆ្នាំ មុខរបរ សិស្ស ស្នាក់នៅ ភូមិ 3 សង្កាត់ ជ្រោយចង្វាខណ្ឌ ជ្រោយចង្វារាជធានីភ្នំពេញ។

ចំណែករថយន្តម៉ាក ហ៊ីណូ ក្រឡុកស៊ីម៉ង់ ពាក់ផ្លាកលេខ ភ្នំពេញ 5A-0979 បើកបរដោយ ឈ្មោះ ម៉ង សុជា អាយុ 27 ឆ្នាំ មុខរបរ អ្នកបើករថយន្ត ស្នាក់នៅ ឃុំឬស្សីជ្រោយ ស្រុក មុខកំពូល ខេត្ត កណ្តាល ។

ប្រភពពត៌មាននៅកន្លែងកេីតហេតុឲ្យដឹងថា ៖ ម៉ូតូនឹងរថយន្តបើកបរស្របទិសគ្នាក្នុងទិសដៅ ពីត្បូងទៅជើង ខណៈមកដល់ចំណុចកើតហេតុ ម៉ូតូបានស៊ីញ៉ូបត់ឆ្វេង ពេលដែលបំរុងនឹងបត់ក៏ត្រូវរថយន្តបុកចំពីក្រោយបណ្តាលអោយកិនចំក្មេងស្រីរួមដំណើរពីក្រោយ នឹងបណ្តាលអោយរងរបួសបាក់ភ្លៅឆ្វេងនិងត្រគៀកឆ្វេងនិងម្នាក់ទៀតរងរបួសស្រាល។

បន្ទាប់ពីកេីតហេតុសមត្ថកិច្ចជំនាញចុះមកវាស់វែងយករថយន្តនិងម៉ូតូខាងលើទៅការរិយាល័យចរាចរណ៍ផ្លូវគោក នៃ ស្នងការដ្ឋាននគរបាលរាជធានីភ្នំពេញ តាមនីតិវិធី ចំណែកជនរងគ្រោះ កំពុងសម្រាក ព្យាបាលនៅ មនមន្ទីរពេទ្យគន្ធបុប្ផារដោយរងរបួស បាក់ភ្លៅ ខាងឆ្វេង នឹង ត្រកៀកខាងឆ្វេង ៕

ដោយ៖ ជ្រោយពេជ្រ