ខេត្ដកណ្ដាល៖ យុវជន៣នាក់ត្រូវ បានកម្លាំងនគរបាលប៉ុស្ដិ៍ភូមិធំឃាត់ខ្លួនពាក់ព័ន្ធករណីរក្សាទុកដោយខុសច្បាប់ នូវសារធាតុញៀនដើម្បីចែកចាយក្នុង នោះសមត្ថកិច្ចដកហូតថ្នាំញៀនប្រភេទម៉ាទឹកកក១កញ្ចប់តូច, ម៉ូតូម៉ាកសេ ១០០កូរ៉េ១គ្រឿង ។
ករណីចាប់ជនសង្ស័យទាំង៣នាក់នេះបានធ្វើឡើងនៅថ្ងៃ៦ ខែមករា ឆ្នាំ២០១៦ វេលាម៉ោង១០និង៣០នាទីព្រឹក ត្រង់ ចំណុចផ្លូវលំភូមិធំ ភូមិ-ឃុំ-ស្រុកកៀន ស្វាយ ខេត្ដកណ្ដាល ។
ជនសង្ស័យត្រូវឃាត់ខ្លួនទាំង៣នាក់ ទី១-ឈ្មោះឈុន សុខាលុច ភេទប្រុស អាយុ២០ឆ្នាំ មុខរបរមិនពិតប្រាកដ, ទី២-ឈ្មោះស៊ុំ សុភី ភេទប្រុស អាយុ ២១ឆ្នាំ មុខរបរមិនពិតប្រាកដ និងទី៣-ឈ្មោះម៉ម ពន្លឺ ភេទប្រុស អាយុ១៨ឆ្នាំ មុខរបរមិនពិតប្រាកដ, ជនសង្ស័យទាំង ៣នាក់មានទីលំនៅភូមិកោះប្រាក់ ឃុំ ភូមិធំ ស្រុកកៀនស្វាយ ។
លោកយឹម សុខុម នាយប៉ុស្ដិ៍នគរ បាលភូមិធំបានប្រាប់ថា បន្ទាប់ពីក្ដាប់ មុខសញ្ញាបាននិងមានការបញ្ជាផ្ទាល់ពី លោកអធិការនគរបាលស្រុកកម្លាំងនគរបាលប៉ុស្ដិ៍បានបង្ក្រាបចាប់ខ្លួនជនសង្ស័យ ជាបន្ដបន្ទាប់ដោយដកហូតបានថ្នាំញៀនប្រភេទម្សៅក្រាមពណ៌សហៅម៉ាទឹកកក១កញ្ចប់តូចនិងម៉ូតូ១គ្រឿងម៉ាកសង់ កូរ៉េ ពណ៌ក្រហម ពាក់ស្លាកលេខ កណ្ដាល 1C-1825 ។
ក្រោយចាប់ខ្លួនជនសង្ស័យទាំង៣នាក់ រួមនឹងវត្ថុតាងត្រូវបញ្ជូនមកកាន់អធិការ ដ្ឋាននគរបាលស្រុកដើម្បីកសាងសំណុំរឿង បញ្ជូនបន្ដទៅសាលាដំបូងខេត្ដចាត់ការតាមច្បាប់ ៕
ដោយ៖ សណ្ដោស
