ភ្នំពេញ៖ លោក គង់ សោភណ្ឌ អភិបាលរងខេត្តកណ្តាល ឋានន្តរស័ក្តឧត្តមមន្ត្រី ថ្នាក់លេខ៥ ត្រូវបានព្រះមហាក្សត្រ ចេញព្រះរាជក្រឹត្យតែងតាំង ជាអភិបាលខេត្តកណ្តាលជំនួស លោក ម៉ៅ ភិរុណ។ នេះបើតាមព្រះរាជក្រឹត្យ ដែលអង្គភាព នគរដ្រេហ្គន ទទួលបាន នៅរសៀលថ្ងៃទី១៨ ខែកុម្ភៈ ឆ្នាំ២០២០ ហើយព្រះមហាក្សត្រឡាយព្រហស្ថកាលពីថ្ងៃទី១៧ ខែកុម្ភ ដោយត្រាស់បង្គាប់តែងតាំង លោក គង់ សោភ័ណ្ឌ ជាអភិបាលខេត្តកណ្តាល បានធ្វើឡើងតាមសំណើទូលថ្វាយរបស់ សម្តេចតេជោ ហ៊ុន សែន នាយករដ្ឋមន្រ្តីនៃ ព្រះរាជាណាចក្រកម្ពុជា។
ដោយឡែកចំពោះពិធីប្រកាសចូលកាន់ដំណែងនេះ មិនទាន់កំណត់កាលបរិច្ឆេតនៅឡើយទេពីក្រសួងមហាផ្ទៃ៕

ដោយ៖ សុខ ខេមរា