ខេត្តកំពង់ធំ៖ មានគ្រោះថ្នាក់ចរាចរណ៍រវាងម៉ូតូហុងដា សេ១២៥ពណ៍ខ្មៅពាក់ស្លាកលេខកំពង់ធំ 1G-7989 បុកនឹងម៉ូតូសង់ កូរ៉េ សេ១០០ ពណ៍ស្លាទុំ គ្មានស្លាកលេខបណ្តាលឲ្យរបួសធ្ងន់ទាំងសងខាងបញ្ចូលទៅមន្ទីរពេទ្យក្រុងភ្នំពេញ កាលពីថ្ងៃទី៧ ខែមករា ឆ្នាំ២០១៦នៅចំណុច ភូមិទក់ ឃុំ ក្រយា ស្រុកសន្ទុក ខេត្តកំពង់ធំ ។
អ្នកបើកបរម៉ូតូហុងដា សេ១២៥ មានឈ្មោះ ប៊ុន ណា ភេទប្រុស អាយុ១៦ឆ្នាំ រស់នៅភូមិ សុភមង្គល ឃុំក្រយា ស្រុកសន្ទុក អ្នកបើកបរម៉ូតូសង កូរ៉េ មានឈ្មោះ រៃ រឿង អាយុ ៥៤ឆ្នាំ រស់នៅភូមិ ត្រើយ ម្យាប់ ឃុំប្រសាទ ស្រុកសន្ទុក បណ្ដាលអោយខូចខាតម៉ូតូទាំងសងខាង និងរបួសធ្ងន់ទាំងសងខាង ។ មូលហេតុគឺបណ្ដាលមកពីអ្នកបើកបរម៉ូតូហុងដា សេ១២៥ ប្រជែងនិឹងគោរយន្ដកន្រ្ដៃហើយជ្រុលទៅបុកម៉ូតូកូរ៉េពីក្រោយតែម្ដង ។
ក្រោយពីសមត្ថកិច្ច បានធ្វើការវាស់វែងបញ្ចូនទាំងម៉ូតូ២គ្រឿងនេះអោយទៅសមត្ថកិច្ចយកទៅរក្សាទុករងចាំការដោះស្រាយតាមច្បាប់ ចំណែកមនុស្សបញ្ចូនទៅមន្ទីរពេទ្យ ៕
ដោយ៖ ប៊ុន រិទ្ធី
