ភ្នំពេញ៖ ជនសង្ស័យ២នាក់ខណៈកំពុងតែជិះម៉ូតូតាមផ្លូវក៏ត្រូវកម្លាំងព្រហ្មទណ្ឌខណ្ឌ៧មករាកំពុងល្បាតតាមមូលដ្នានដោយមានការសង្ស័យក៏ហៅឲ្យឈប់រួចធ្វើការឆែកឆេរខ្លួនឃើញគ្រឿងញឿន១កញ្ចប់តូច ។
កាលពីវេលាម៉ោង១២ និង៥០នាទីរំលងអធ្រាត្រ ឈានចូល ថ្ងៃទី៩ ខែមករា ឆ្នាំ២០១៦នៅចំណុចតាមបណ្ដោយផ្លូវ១៣៤ កែង១៣៧ ស្ថិតក្នុងសង្កាត់មិត្តភាព ខណ្ឌ៧មករា រាជធានីភ្នំពេញ ។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុកម្លាំងសមត្ថកិច្ចកំពុងល្បាតនៅតាមផ្លូវក្នុងមូលដ្នានរបស់ខ្លួនស្រាប់តែប្រទះឃើញជនសង្ស័យ២នាក់ខាងលើកំពុងជិះម៉ូតូមួយគ្រឿងម៉ាកហុងដា c125 ពណ៌ខ្មៅ ពាក់ស្លាកលេខភ្នំពេញ1DC.1313។ ខណៈមកដល់ចំណុចកើតខាងលើជនសង្ស័យហាក់ដូចជាមានការភ័យហើយបម្រុងជិះគេចខ្លួនធ្វើឲ្យសមត្ថកិច្ចមានការសង្ស័យក៏បាននាំគ្នាដេញតាមពីក្រោយហើយក៏បានហៅជនសង្ស័យឲ្យឈប់នៅតែមិនឈប់ទៀត ក្រោយមកកម្លាំងសមត្ថកិច្ចក៏បានស្ទាក់ចាប់បានរួចធ្វើការឆែកឆេរខ្លួនទើបរកឃើញគ្រឿងញៀន១កញ្ចប់តូច ។ ជនសង្ស័យទាំង២នាក់ ទី១ជនសង្ស័យមានឈ្មោះ ពៅ ឃួន ភេទប្រុស អាយុ២៣ឆ្នាំ មុខរបរស្នាក់នៅមិនពិតប្រាដក ។ ទី២ជនសង្ស័យមានឈ្មោះ អ៊ុយ វិចិត្រ ភេទប្រុស អាយុ៣២ឆ្នាំ មុខរបរស្នាក់នៅមិនពិតប្រាដក ។
បច្ចុប្បន្នជនសង្ស័យរួមទាំងវត្ថុតាង ត្រូវបានសមត្ថកិច្ចឃុំខ្លួនបណ្តោះអាសន្ននៅអធិការដ្នាននគរបាលខណ្ឌ៧មករាដើម្បីកសាងសំណុំរឿងបញ្ជូនខ្លួនទៅសាលាដំបូង ចាត់ការតាមនីតិវិធីច្បាប់ ៕
...
ដោយ៖ ស រស្មី
