ខេត្ដកំពង់ឆ្នាំង៖ យុវជនម្នាក់បានរង របួសធ្ងន់និង២នាក់ទៀតរងរបួសស្រាល នៅក្នុងឧប្បត្ដិហេតុគ្រោះថ្នាក់ចរាចរណ៍ មួយដែលបង្កឡើងដោយរ៉ឺម៉កម៉ូតូ និង ម៉ូតូស្មាស់បុកគ្នាពេញទំហឹង កាលពីវេលា ម៉ោងជិត៥ល្ងាច ថ្ងៃទី៨ ខែមករា ឆ្នាំ ២០១៦ នៅចំណុចវាលស្រែ១០០ ភូមិ ស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង។
នគរបាលចរាចរក្រុងកំពង់ឆ្នាំងបាន ឱ្យដឹងថា យុវជនដែលរងរបួសម្នាក់១-ឈ្មោះសាយ ពៅ អាយុ២៤ឆ្នាំ រស់នៅ ឃុំជ្រៃបាក់ ស្រុករលាប្អៀរ ខេត្ដកំពង់ឆ្នាំង ។ ២ឈ្មោះ ឈីត អាយុ២៥ឆ្នាំ រងបួសធ្ងន់ សន្លប់រស់នៅភូមិឃុំជាមួយគ្នា ដោយ ម្នាក់ទៀតមិនស្គាល់អត្ដសញ្ញាណនោះទេ ។
សមត្ថកិច្ចបានឱ្យដឹងថា នៅមុនពេល កើតហេតុយុវជន៣នាក់ជិះម៉ូតូហ្ស៊ុយស៊ុយគីស្មាស់ពណ៌ក្រហមអត់ស្លាកលេខ ធ្វើ ដំណើរក្នុងទិសដៅពីត្បូងទៅជើងនៅពេល មកដល់ចំណុចកើតហេតុរ៉ឺម៉កម៉ូតូមួយ គ្រឿងដែលធ្វើដំណើរក្នុងទិសដៅផ្ទុយគ្នា រួចបត់ឆ្វេងពីមុខម៉ូតូបណ្ដាលឱ្យម៉ូតូស្មាស់ ដែលកំពុងបើកយ៉ាងលឿនជ្រុលបុកកន្ទុយ រ៉ឺម៉កប៉ើងខ្ទាតទៅម្ខាងបណ្ដាលឱ្យជនរង គ្រោះទាំង៣នាក់ខ្ទាតចេញពីម៉ូតូដួល បោកទៅនឹងផ្លូវរងរបួសធ្ងន់និស្រាលតែ ម្ដង។
ក្រោយពេលកើតហេតុរ៉ឺម៉កម៉ូតូបាន បើកគេចខ្លួនដោយអ្នករងរបួសត្រូវបាន ដឹកយកទៅសង្គ្រោះនៅមន្ទីរពេទ្យបង្អែក ខេត្ដកំពង់ឆ្នាំង ។ ចំពោះម៉ូតូត្រូវបាន សមត្ថកិច្ចយកទៅរក្សាទុកនៅអធិការ ដ្ឋាននគរបាលក្រុងកំពង់ឆ្នាំងដើម្បីស្រាវ ជ្រាវរកអ្នកបើករ៉ឺម៉កម៉ូតូដើម្បីធ្វើដោះ ស្រាយតាមនីតិវិធី ៕
ដោយ៖ ចន្ថា
