ភ្នំពេញ៖នៅថ្ងៃទី១៤ ខែមីនា ឆ្នាំ២០២០ នេះ ក្រសួងអប់រំ យុវជន និង កីឡា សម្រេចដាក់អោយអនុវត្តវិស្សមកាលតូចមុនកាលកំណត់ ពីថ្ងៃចេញសេចក្តីប្រកាសព័ត៌មាននេះ រហូតដល់ពេលចូលរៀនឡើងវិញ ។

នេះបើយោងតាមសេចក្តីប្រកាសព័ត៌មាន ស្តីពី “ការអនុវត្តវិស្សមកាលតូចមុនកាលកំណត់ សម្រាប់គ្រឹះស្ថានសិក្សា ចំណេះទូទៅសាធារណៈនិងឯកជន នៅរាជធានីភ្នំពេញ និង ក្រុងសៀមរាប” ។

យោងតាមរបាយការណ៍ស្ថានភាពរាតត្បាតនៃវីរុសកូវីដ១៩ របស់អង្គការសុខភាពពិភពលោក និង ពេលថ្មីៗនេះ ព្រះរាជាណាចក្រកម្ពុជា បានរកឃើញជាបន្តបន្ទាប់នូវវីរុសកូវីដ១៩ លើជនបរទេសមានសញ្ជាតិផ្សេងៗ ដែលតម្រូវអោយមានវិធានការការពារទប់ស្កាត់ជាបន្ទាន់ ៕