ភ្នំពេញ៖ កម្លាំងនគរបាលខណ្ឌ៧មករាចាប់ឃាត់ខ្លួនក្មេងទំនើង៤នាក់ភ្លាមៗបន្ទាប់ពីក្រុមក្មេងទំនើង១ក្រុមមានគ្នាជាង១២នាក់ជិះម៉ូតូ៦គ្រឿង បានធ្វើសកម្មភាពប្រើកាំភ្លឺងខ្លី១ដើមបាញ់ខ្យល់ប្រើហ្គាសនិងដេញវាយកាប់ចាក់យុវជន៣នាក់វាយយកស្លាកលេខយកទៅបាត់នៅតាមដងផ្លូវយ៉ាងអនាធិបតេយ្យ ។
បង្កឲ្យមានការភ្ញាក់ផ្អើលកាលពីវេលាម៉ោង៣និង៣០នាទីរសៀរថ្ងៃទី១០ ខែមករា ឆ្នាំ២០១៦ នៅតាមបណ្តោយផ្លូវលេខ១០៧ ស្ថិតក្នុងសង្កាត់មនោរម្យ ខណ្ឌ៧មករា រាជធានីភ្នំពេញ ។
ក្មេងទំនើងទាំង៤នាក់ដែលសមត្ថកិច្ចឃាត់ខ្លួននោះជនសង្ស័យទី1ឈ្មោះ ម៉ា ដុំដី អាយុ16ឆ្នាំ ភេទប្រុស មុខរបបសិស្សសាលាវិទ្យាល័យសន្ធរម៉ុក ស្នាក់នៅ ។ ទី2ឈ្មោះចាន់សេដ្ឋារាជ អាយុ16ឆ្នាំ ភេទប្រុស មុខរបប ស្នាក់នៅម្ដុំទួលសង្កែ ខណ្ឌឬស្សីកែវ។ទី3ឈ្មោះហួត សុខមាន អាយុ16 ភេទប្រុស ស្នាក់នៅ ខណ្ឌឬស្សីកែវ។ ទី4ឈ្មោះសុខ រក្សា អាយុ16ឆ្នាំ ភេទប្រុស ស្នាក់នៅ ខណ្ឌច្បាអំពៅ ។។
បើតាមន្រភពពត៍មានពីប្រជាពលរដ្ឋដែលបានឃើញហេតុការណ៍ខាងលើនេះបានឲ្យដឹងថា មុនពេលកើតហេតុ គេឃើញក្រុមក្មេងទំនើងទាំង១ក្រុម ដោយមានគ្នាជាង១២នាក់ជិះម៉ូតូ៦គ្រឿងដោយមានភ្លឺងខ្លី១ដើមបាញ់ខ្យល់ប្រើហ្គាសនិងដាវសាំមរៃនៅគ្រាប់ដៃ បានមកដេញវាយកាប់ចាក់យុវជន៣នាក់ដោយកំពុងតែជិះម៉ូតូ១គ្រឿងម៉ាកNEXរួចនិងយកស្លាកលេខមូ៉តូជនរងគ្រោះយកទៅបាត់តែមង្ត។និងផ្អើលដល់ អ្នកដំណើរ និងប្រជាពលរដ្ឋដែលរស់នៅក្នុងតំបន់នោះមានការភ័យតក់ស្លុតយ៉ាងខ្លាំង និងសមត្ថកិច្ចមូលដ្ឋានបានចុះធ្វើអន្តរាគមន៍ដេញចាប់បានក្មេងទំនើង៤នាក់ភ្លាមៗនិងម៉ូតូ២គ្រឿងដែលក្រុមក្មេងទំនើងយកមកធ្វើសកម្មភាពបង្កហេតុខាងលើ ។
ក្រោយកើតហេតុសមត្ថកិច្ចក៏បាននាំយកក្មេងទំនើងទាំង៤នាក់នោះមកអធិការដ្ឋាននគបាលខណ្ឌ៧មករា។ ដើម្បីសាកសួរពីមូលហេតុដែលពួកគេដេញវាយគ្នាយ៉ាងអនាធិបតេយ្យតាមដងផ្លូវបែបនេះ ចំណែកមួយចំនួនទៀតបានរត់គេចខ្លួនបាត់សម្រោល ។
បច្ចុប្បន្នក្មេងទំនើងទាំង៤នាក់រួមនិងវត្ថុតាំងត្រូវសមត្ថកិច្ចឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនចាត់ការបន្តតាមនិតិវិធីច្បាប់ ៕
