ក្រោយទទួលបានបទបញ្ជារពីប្រធានាធិបតីរុស្ស៊ី លោកពូទីន កម្លាំងទាហានបានចាប់ផ្តើមដឹកជញ្ជូនសម្ភារ បរក្ខាពេទ្យ និងក្រុមឯកទេសទៅជួយដល់អុីតាលីទប់ស្កាត់ការឆ្លងរាលដាលនៃវីរុស កូវីដ-១៩ ។
ការសម្រេចបញ្ជូនកម្លាំងទាហាននិងបរិក្ខាពេទ្យធ្វើឡើងក្រោយ ប្រធានាធិបតីពូទីនបានជួបពិភាក្សាជាមួយនាយករដ្ឋមន្ត្រីអុីតាលី លោកGiuseppe Conte។ នៅក្នុងកិច្ចពិភាក្សា មេដឹកនាំរុស្ស៊ីស្នើរបញ្ជូនក្រុមអ្នកឯកទេសទៅជួយដល់ អុីតាលីទប់ស្កាត់ ការឆ្លងរាលដាល។ ការបញ្ជូនក្រុមអ្នកឯកទេសកើតឡើងក្រោពេល អ្នកស្លាប់ នៅអុីតាលីកើនឡើងជិត៨០០នាក់ក្នុងមួយថ្ងៃ និងឆ្លង រាប់ពាន់នាក់។
សារព័ត៌មានរ៉យទ័របានដកស្រង់សេចក្តីប្រកាសពីក្រសួងការពារជាតិរុស្ស៊ីបានបញ្ជាក់ថា យន្តហោះដឹកជញ្ជូនយោធា ៨កងពល ក្នុងនោះមាន ក្រុមគ្រូពេទ្យយោធា រថយន្តបាញ់ថ្នាំកម្ចាត់វីរុស សម្ភារពេទ្យទៅកាន់អុីតាលីនៅថ្ងៃទី ២២ខែមីនានេះ។
ចំពោះរុស្ស៊ីវិញមានករណីឆ្លងកូវីដ-១៩ ចំនួន៣០៦នាក់តែប៉ុណ្ណោះភាគច្រើនអ្នកឆ្លងនៅទីក្រុងមូស្គូ ហើយក៏មានម្នាក់ស្លាប់ពាក់ព័ន្ធនិងកូវីដ-១៩ផងដែរ៕
