ភ្នំពេញ៖ កងពលតូចទ័ពពិសេស ឆត្រយោង៩១១កាលពីព្រឹកថ្ងៃទី១១ ខែ មករា ឆ្នាំ២០១៦ បានប្រារឰពិធីបិទវគ្គ ហ្វឹកហ្វឺនបណ្ដុះបណ្ដាលជំនាញបច្ចេក ទេសឆត្រយោងជំនាន់ទី១៩ បិទវគ្គបណ្ដុះ បណ្ដាលបច្ចេកទេសជំនាញប្រឆាំងភេរវ កម្មជំនាន់ទី៣ វគ្គបំប៉នជំនាញបើកបរ និងជួសជុលអូប័រជំនាន់ទី១ និងបើកវគ្គ បណ្ដុះបណ្ដាលជំនាញបច្ចេកទេសឆត្រ យោងជំនាន់ទី២០ ក្រោមវត្ដមានលោក នាយឧត្ដមសេនីយ៍ ប៉ុល សារឿន អគ្គ មេបញ្ជាការកងយោធពលខេមរភូមិន្ទ (ខ.ភ.ម.)ព្រមទាំងមានការចូលរួមពី មេបញ្ជាការ មេបញ្ជាការរងប្រភេទ ទ័ពជំនាញជាច្រើនរូបទៀត ។
លោកឧត្ដមសេនីយ៍ឯក ចាប ភក្ដី នាយរងសេនាធិការចម្រុះ មេបញ្ជាការ កងពលតូចទ័ពពិសេសឆ័ត្រយោង៩១១ បានលើកឡើងពីដំណើរការហ្វឹកហ្វឺន ជំនាញឆ័ត្រយោងជំនាន់ទី១៩ ជំនាញ ប្រឆាំងភេរវកម្មជំនាន់ទី៣ ជំនាញបើក បរនិងជួសជុលអូប័រជំនាន់ទី១ ទទួលបាន លទ្ធផលគួរជាទីមោទនៈ ដោយសិក្សា នៅបញ្ជាការដ្ឋានផ្ទាល់ និងនៅភូមិ សាស្ដ្រតំបន់ភ្នំ វាលរាបទៅតាមកម្ម វិធីខ្លឹមសារមេរៀននីមួយៗព្រមទាំងធ្វើ លំហាត់លោតឆ័ត្រយោងជាក់ស្ដែងនៅតំបន់ក្ដាន់រយវាយតម្លៃពីលទ្ធផលហ្វឹកហ្វឺន ។ វគ្គហ្វឹកហ្វឺននេះសម្រេចទៅបាន ក៏អាស្រ័យដោយបានការយកចិត្ដទុក ដាក់ពីសំណាក់ថ្នាក់ដឹកនាំក្រសួងការ ពារជាតិ អគ្គបញ្ជាការខ.ភ.ម. ពិសេស ការជួយឧបត្ថម្ភពីសម្ដេចតេជោ និង សម្ដេចកិត្ដិព្រឹទ្ធបណ្ឌិតដែលតែងតែយក ចិត្ដទុកដាក់ខ្ពស់អំពីសុខទុក្ខនិងការហ្វឹក ហ្វឺនរបស់ខ.ភ.ម. ពិសេសកងពលតូច ឆ័ត្រយោង៩១១ ។
បន្ទាប់ពីទស្សនាការលោតឆ័ត្រយោង របស់កម្មសិក្សាការីគណៈអធិបតីក៏បាន ប្រគល់ទង់ជំនាញ និងបំពាក់សញ្ញាជំនាញ ដល់កម្មសិក្សាការីទាំងអស់ ។ ក្នុងនោះ ផងដែរតំណាងកម្មសិក្សាការីបានធ្វើ សច្ចាប្រណិធានចំពោះមុខអង្គពិធីដោយ បានប្ដេជ្ញាស្មោះស្ម័គ្រចំពោះជាតិ សាសនា ព្រះមហាក្សត្រ នៅពេលទទួលបទបញ្ជា ដែលថ្នាក់លើប្រគល់ជូន ។
លោកនាយឧត្ដមសេនីយ៍ប៉ុល សារឿន បានកោតសរសើរចំពោះសមិទ្ធផលធំៗ របស់កងពលឆ័ត្រយោងលេខ៩១១ទាំង នៅសមរភូមិមុខ និងសមរភូមិក្រោយ។ កងពលបានខិតខំយ៉ាងសកម្មក្នុងការហ្វឹក ហ្វឺនបង្កើនសមត្ថភាពដល់នាយនិងពល ទាហានទទួលបានលទ្ធផលដ៏ត្រចះត្រចង់ ថែមទៀត ។
ក្នុងនោះផងដែរលោកនាយឧត្ដម សេនីយ៍ក៏បានក្រើនរំលឹកដល់កម្មសិក្សា ការីទាំងអស់ត្រូវបន្ដពង្រីកស្នាដៃថ្មីៗ ថែមទៀតក្នុងនោះត្រូវយកចិត្ដទុកដាក់ នូវប្រការ៣យ៉ាង ទី១-កត្ដាមនុស្ស កង ទ័ពឆ័ត្រយោង ឬកងទ័ពជំនាញឆ័ត្រ យោងត្រូវមានវិន័យ សេចក្ដីថ្លៃថ្នូ អត្ដ ចរិត សីលធម៌ស្អាតស្អំ មានមនសិការ ស្នេហាជាតិ ធ្វើពលិកម្មគ្រប់បែបយ៉ាង ក្នុងបុព្វហេតុការពារជាតិ ។ ទី២-កត្ដា ជំនាញហ្វឹកហ្វឺនរៀនសូត្រ ត្រូវម៉ឺងម៉ាត់ ហ្មត់ចត់បំផុត ទាំងទ្រឹស្ដីនិងការអនុវត្ដ ជាក់ស្ដែង ពិសេសត្រូវមានលក្ខណៈ សម្បត្ដិគ្រប់គ្រាន់ សុខភាពល្អ កាយ សម្បទាមាំមួន ស្មារតីអង់អាចក្លាហាន។ ទី៣-កត្ដាជោគជ័យ ភារកិច្ចរបស់កង ទ័ពឆ័ត្រយោងមានវិសាលភាពសហ ប្រតិបត្ដិការ និងប្រតិបត្ដិការជាមួយ កងទ័ពអាកាសជាកម្លាំងអន្ដរាគមន៍ ពិសេសនិងរហ័សបំផុត ៕
ដោយ៖ សុខដុម
