រាជធានីភ្នំពេញ៖ កម្លាំងសមត្ថកិច្ចនគរបាលប៉ុស្តិ៍រដ្ឋបាលសង្កាត់ឬស្សីកែវឃាត់ខ្លួនបានក្មេងសិស្សសាលាចំនួន៥នាក់ដែលជិះម៉ូតូដេញកាប់គ្នានៅតាមផ្លូវបង្កភាពអណាធិបេត្យ ហេតុការណ៍នេះកើតឡើងកាលពីម៉ោងជិត១រសៀលថ្ងៃទី១១ ខែមករា ឆ្នាំ២០១៦ ស្ថិតនៅក្នុងភូមិមិត្តភាព សង្កាត់-ខណ្ឌឬស្សីកែវ។
សមត្ថកិច្ចនគរបាលប៉ុស្តិ៍ឬស្សីកែវបានឲ្យដឹងថា សិស្សសាលាចំនួន៥នាក់ដែលឃាត់ខ្លួននោះ ទី១/ ឈ្មោះ ហេង ហុងឃុន ភេទប្រុស អាយុ១៧ឆ្នាំ មុខរបរសិស្ស ស្នាក់នៅសង្កាត់ឬស្សីកែវ ទី២/ ឈ្មោះ យឹម យូរ៉ូ ភេទប្រុស អាយុ១៧ឆ្នាំ មុខរបរសិស្សស្នាក់នៅ សង្កាត់ឬស្សីកែវ ទី៣/ ឈ្មោះ មាឃ សុវណ្ណរ៉ាត ភេទប្រុស អាយុ១៧ឆ្នាំ សិស្សថ្នាក់ទី៩វិទ្យាល័យឬស្សីកែវស្នាក់នៅ សង្កាត់ឬស្សីកែវ ទី៤/ ឈ្មោះ គ្រី រ៉ូវី ភេទប្រុស អាយុ១៦ឆ្នាំ សិស្សវិទ្យាល័យឬស្សីកែវ ស្នាក់នៅ សង្កាត់ឬស្សីកែវ និងទី៥/ ឈ្មោះ សា រីតៃម៉ូ ភេទប្រុស អាយុ១៧ឆ្នាំ សិស្សថ្នាក់ទី១០ ស្នាក់នៅសង្កាត់ឬស្សីកែវ ។
បច្ចុប្បន្នសិស្សទំនើងទាំង៥នាក់ខាងលើនេះកំពុងឃាត់ខ្លួនបណ្តោះអាសន្ននៅប៉ុស្តិ៍ឬស្សីកែវដើម្បីសួរនាំ៕
...
ដោយ៖ ជ្រោយពេជ្រ
