ក្រោយការប្រកាសសាកល្បងគ្រាប់ បែកបរមាណូប្រកបដោយជោគជ័យបង្កការព្រួយបារម្ភយ៉ាងខ្លាំងដល់ពិភពលោកទាំងមូលហើយបានជំរុញឱ្យលោកគីម ជុងអ៊ុន បញ្ចប់ជាបន្ទាន់នូវកម្មវិធីបរមា ណូរបស់ខ្លួន ។ ប៉ុន្ដែបេក្ខភាពប្រធានា ធិបតីអាមេរិកលោកដូណាល់ត្រាំបាន ស្ងើចសរសើរលោកគីម ជុងអ៊ុនថា ជា បុគ្គលមានសមត្ថភាព ។ នេះជាលើកទី មួយហើយដែលបេក្ខភាពប្រធានាធិបតីអាមេរិកសរសើពីចិត្ដក្លាហានរបស់មេដឹកនាំកូរ៉េខាងជើង ។
នៅក្នុងសន្និសីទការសែតកាលពីថ្ងៃទី១០ ខែមករា បេក្ខភាពប្រធានាធិបតី អាមេរិកមកពីគណបក្សសាធារណរដ្ឋ លោកដូណាល់ត្រាំបានបញ្ជាក់ថា លោក គោរពដល់ការសម្រេចចិត្ដមិនមានការស្ទាក់ស្ទើរក្នុងនាមជាមេដឹកនាំមួយរូបសម្រាប់ទប់ទល់នឹងសត្រូវរបស់ខ្លួន ។ លោកគីម ជុងអ៊ុន ពិតជាមេដឹកនាំដ៏ ពិតប្រាកដ។
លោកដូណាល់ត្រាំបញ្ជាក់ទៀតថា កម្លាំងរបស់លោកគីម ជុងអ៊ុន ពេល ដែលសម្រេចអ្វីមួយគឺជារឿងដ៏លំបាក ដោយសារតែលោកនៅក្មេងដូចជាការសម្លាប់មេទ័ពជាន់ខ្ពស់ក្នុងនោះមានទាំងឪពុកមារបស់លោកផងដែរ ។
ពលរដ្ឋកូរ៉េខាងត្បូងមានទំនុកចិត្ដ លើមេដឹកនាំគីម ជុងអ៊ុន មានមនុស្ស វ័យក្មេងប៉ុន្មាននាក់ដែលឡើងកាន់អំណាច ដឹកនាំប្រទេសមួយពេលមានអាយុទើប តែ២៥ឆ្នាំហើយត្រូវប្រឈមមុខជាមួយនឹងមេទ័ពដែលមានអំណាចជាច្រើនរូប។ ប្រសិនបើលោកគីម ជុងអ៊ុន គ្មានភាព រឹងមាំនោះលោកប្រាកដជាស្ថិតនៅក្រោម អំណាចរបស់មន្ដ្រីជាន់ខ្ពស់នៅកូរ៉េខាង ជើងជាមិនខានដែលមានបទពិសោធ ដឹកនាំនយោបាយជាច្រើនទសវត្ស។ ពិត ជាកម្រមានមេដឹកនាំវ័យក្មេងណាធ្វើបាន ដូចលោកគីម ជុងអ៊ុន នោះឡើយ។
សកម្មភាពរបស់មេដឹកនាំកូរ៉េខាង ជើងគឺចង់បង្ហាញឱ្យសត្រូវបានដឹងច្បាស់ថាខ្លួនពិតជាមានគ្រាប់បែកបរមាណូ សម្រាប់ការពារខ្លួន។ លោកដូណាល់ ត្រាំបញ្ជាក់ថា អាមេរិកមិនអាចលេង សើចជាមួយកូរ៉េខាងជើងបានឡើយ ប្រទេសនេះពិតជាមានមីស៊ីលឆ្លងទ្វីប និងគ្រាប់បែកបរមាណូប្រាកដមែន។
កាលពីខែសីហា ឆ្នាំ២០១៥ លោក ដូណាល់ត្រាំធ្លាប់បានហៅលោកគីម ជុងអ៊ុនថា ជាវិរៈជន ក្រោយពេល ដែលលោកគីម ជុងអ៊ុន និងកូរ៉េខាងត្បូង បន្ដរក្សាសន្ដិសុខនៅតាមខ្សែបន្ទាត់ព្រំ ដែនបន្ដទៀត ៕
ប្រែសម្រួល៖ ម៉ែវ សាធី
