ភ្នំពេញ៖ លោក ណយ ផាណា អគ្គ លេខាធិការសហព័ន្ធកីឡាកាយសម្ព័ន្ធ កម្ពុជាបានប្រាប់ឱ្យដឹងថា សហព័ន្ធកីឡា កាយសម្ព័ន្ធកម្ពុជាទទួលបានឧបករណ៍ ហ្វឹកហាត់ពីសហព័ន្ធកីឡាកាយសម្ព័ន្ធ រុស្ស៊ីដែលមានតម្លៃស្មើនឹង២ម៉ឺនដុល្លារ អាមេរិកដើម្បីជួយសម្រួលដល់ការហ្វឹក ហាត់របស់កីឡាករកីឡាការិនីកាយ សម្ព័ន្ធកម្ពុជាកាលពីថ្ងៃទី១១ ខែមករា ឆ្នាំ២០១៦ នៅទីស្នាក់ការសហព័ន្ធ ។
លោកអគ្គលេខាធិការបានឱ្យដឹងទៀត ថា ឧបករណ៍ចំនួន២ឈុតដែលសហព័ន្ធ កីឡាកាយសម្ព័ន្ធរុស្ស៊ីបានឧបត្ថម្ភគឺ រ៉ឺស័រសម្រាប់លោត និងកម្រាលវែង (Mini Tropoline) សម្រាប់ការហ្វឹក ហាត់ត្រៀមប្រកួតជ្រើសរើសជើងឯក ថ្នាក់ជាតិ ក៏ដូចជាប្រកួត National Game លើកដំបូងដែលក្រសួងគ្រោងធ្វើ នៅខែតុលា ឆ្នាំ២០១៦ខាងមុខ ។
ឧករណ៍ដែលសហព័ន្ធកីឡាកាយ សម្ព័ន្ធកម្ពុជាទទួលបានមិនមែនទើបតែ លើកទី១នោះទេ ។
កន្លងទៅសហព័ន្ធកីឡាកាយសម្ព័ន្ធ អន្ដរជាតិក៏ធ្លាប់បានឧបត្ថម្ភឧបករណ៍ដូចជាសេះលោត, កម្រាលដែលមានតម្លៃ ជាង១០ម៉ឺនដុល្លារអាមេរិកផងដែរចាប់តាំងពីសហព័ន្ធកកើតរហូតមកដល់ បច្ចុប្បន្នគឺសហព័ន្ធបានទទួលជំនួយពី ភាគីដៃគូអន្ដរជាតិមិនតិចជាងកន្លះ លានដុល្លារនោះទេ ។
លោក ណយ ផាណា បានបញ្ជាក់ថា បច្ចុប្បន្នសហព័ន្ធមានក្លិបចំនួន៩ ក្នុង នោះក្លិបកាយសម្ព័ន្ធខេត្ដក្រចេះ និងក្លិប កាយសម្ព័ន្ធត្រញំងឃ្លោក ខេត្ដតាកែវ មានធនធានកីឡាករកីឡាការិនីច្រើន ជាងគេ ។
គួររំលឹកថា កីឡាកាយសម្ព័ន្ធមាន ២វិញ្ញាសា ទី១-កាយសម្ព័ន្ធAerobic និងទី២-កាយសម្ព័ន្ធ Artistic ដែលបាន និងកំពុងដំណើរការហ្វឹកហាត់ជាប្រចាំ ក្នុងគោលបំណងលើកកម្ពស់វិស័យកីឡា កាយសម្ព័ន្ធឈានទៅប្រកួតប្រជែងនៅ លើឆាកជាតិ និងអន្ដរជាតិប្រកបដោយ សក្ដានុពលស្របតាមផែនការយុទ្ធ សាស្ដ្រដឹកនាំរបស់ក្រសួងអប់រំ យុវជន និងកីឡា និងគណៈកម្មាធិការជាតិអូឡាំ ពិកកម្ពុជាឆ្ពោះទៅឆ្នាំ២០២៣ ដែល កម្ពុជាធ្វើជាម្ចាស់ផ្ទះរៀបចំការប្រកួត កីឡាអាស៊ី អាគ្នេយ៍ (SEA Games)៕
ដោយ៖ សារីម
