ខេត្តកណ្ដាល៖ សមត្ថកិច្ចនគរបាលស្រុកកោះធំ ចាប់ខ្លួនជនសង្ស័យ២នាក់ ករណីលួចនិងទទួលផលចោរកម្ម យកមកអធិការដ្ឋាននគរបាលស្រុក ដើម្បីកសាងសំណុំរឿងចាត់ការតាមច្បាប់ ។ ករណីចាប់ខ្លួននេះ ធ្វើឡើងនៅវេលាម៉ោង១១និង៣០នាទី ថ្ងៃទី១ ខែមេសា ឆ្នាំ២០២០ ត្រង់ចំណុចផ្ទះជនសង្ស័យឈ្មោះ ញាន រស់ ភូមិកំពង់សំបួលើ ឃុំព្រែកថ្មី ស្រុកកោះធំ ខេត្តកណ្ដាល ។
មន្រ្ដីនគរបាលស្រុកកោះធំបានឲ្យដឹងថា ជនសង្ស័យចាប់ខ្លួនបានមាន២នាក់ ទី១/ឈ្មោះ ហេង គឹមហុង ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិកំពង់ស្វាយលើ ឃុំព្រែកថ្មី ស្រុកកោះធំ ខេត្តកណ្ដាល និងទី២/ឈ្មោះ ញាន  រស់ ភេទប្រុស អាយុ ៣៤ឆ្នាំជនជាតិខ្មែរ មានទីលំនៅភូមិកំពង់សំបួលើ ឃុំព្រែកថ្មី ស្រុកកោះធំ ខេត្តកណ្ដាល ។ ចំណែកជនរងគ្រោះឈ្មោះ ព្រំ ចាន់ថន ភេទប្រុស អាយុ៤៦ឆ្នាំ មុខរបរ ជាងជួសជុលម៉ូតូ ជនជាតិខ្មែរ មានទីលំនៅភូមិ៤ សង្កាត់ទំនប់ទឹក ខណ្ឌចម្ការមន រាជធានីភ្នំពេញ ។ ដោយឡែកវត្ថុតាងដកហូតបានមានម៉ូតូ១គ្រឿង ម៉ាក Honda Wave ធុនសេ100 ពណ៌ខ្មៅ មានលេខតួ RLHHC08008Y-506469 និងលេខម៉ាស៊ីន HC08E-0809464 ពាក់ស្លាកលេខក្លែងក្លាយលេខ ភ្នំពេញ 1F-1314។
ប្រភពដដែលបន្ដថា កន្លងមក ជនរងគ្រោះបានជួលម៉ូតូម៉ាក Honda Waveឲ្យទៅជនបរទេសជិះ ក្នុងមួយខែ៦០ដុល្លារ លុះមកដល់ថ្ងៃទី២៩ ខែមីនា ឆ្នាំ២០២០ ស្រាប់តែជនបរទេសប្រាប់ថា ម៉ូតូដែលខ្លួនជួលនោះ ត្រូវចោរលួចបាត់ហើយ ។ បន្ទាប់ពីមកជនរងគ្រោះក៏បាន ធ្វើការស្រាវជ្រាវ និងស៊ើបរករហូតមកដល់ថ្ងៃទី១ ខែមេសា ឆ្នាំ២០២០ នៅវេលាម៉ោង ១១ និង៣០នាទីទើបដឹងថា ម៉ូតូរបស់ខ្លួននៅផ្ទះរបស់ជនសង្ស័យឈ្មោះ  ញាន រស់ ភូមិកំពង់សំបួលើ ឃុំព្រែកថ្មី ស្រុកកោះធំ ខេត្តកណ្ដាល ភ្លាមនោះក៏ដាក់ពាក្យបណ្ដឹងមកអធិការដ្ឋាននគរបាលស្រុកកោះធំ ដើម្បីចាត់ការតាមច្បាប់ ។
បន្ទាប់ពីកម្លាំងនគរបាលស្រុកទទួលបានពាក្យបណ្ដឹងពីជនរងគ្រោះរួច ភ្លាមនោះក៏សហការជាមួយកម្លាំងនគរបាលប៉ុស្ដិ៍ព្រែកថ្មី ចុះធ្វើការឃាត់ខ្លួនជនសង្ស័យឈ្មោះ ញាន រស់ រួមទាំងដកហូតវត្ថុតាងយកមកអធិការដ្ឋាននគរបាលស្រុក ដើម្បីធ្វើការសាកសួរ។
នៅចំពោះមុខសមត្ថកិច្ច ជនសង្ស័យឈ្មោះ ញាន រស់ សារភាពថា ខ្លួនបានទិញម៉ូតូនេះពីជនមិនស្គាល់អត្ដសញ្ញាណទេ តាមរយៈឈ្មោះ ហេង គឹមហុង ដោយទិញនោះពុំមានឯកសារ និងលិខិតស្នាមអ្វីឡើយ ។ ក្នុងពេលជាមួយគ្នានោះដែរ សមត្ថកិច្ចក៏បន្ដទៅធ្វើការឃាត់ខ្លួនជនសង្ស័យឈ្មោះ ហេង គឹមហុង បន្ដទៀត រួចយកមកធ្វើការសាកសួរ ដោយជនសង្ស័យសារភាពថា  ខ្លួនពិតជាបានទំនាក់ទំនងអោយឈ្មោះ ញាន រស់ បានទិញម៉ូតូ១គ្រឿងខាងលើ ពីបុរសម្នាក់ឈ្មោះ រិន ដែលជាអ្នកស្គាល់គ្នា រស់នៅស្រុកកណ្ដាលស្ទឹង ខេត្តកណ្ដាល ដោយម៉ូតូនោះគឺគ្មានកាតគ្រី ហើយពេលទិញ-លក់ ក៏ពុំមានធ្វើលិខិតស្នាមអ្វីដែរ ។ ក្រោយពីលក់បានប្រាក់ហើយ ខ្លួនបានប្រាក់(កុំមុយស្យុង)ចំនួន១០ដុល្លារ ពីឈ្មោះ រិន ហើយឈ្មោះ រិន ក្រោយពីលក់បានលុយហើយ ក៏ត្រឡប់ទៅវិញបាត់ទៅ ។
បច្ចុប្បន្ន ជនសង្ស័យទាំង២នាក់ រួមនិងវត្ថុតាង ត្រូវបានសមត្ថកិច្ចជំនាញកំពុងកសាងសំណុំរឿងចាត់ការតាមនីតិវិធីច្បាប់ ៕

ស្រុកកោះធំ ០១-០៤-២០២០
ត្រូវនិងថ្ងៃពុធ ០៩កេីត ខែចេត្រ ឆ្នាំកុរ ព.ស២៥៦៣។
សូមគោរពរាយការណ៍មេ!
-ស្ដីពីករណី: អំពេីលួច និងទទួលផលចោរកម្ម។
-ពេលកើតហេតុ: ថ្ងៃទី០១ ខែមេសា ឆ្នាំ២០២០ វេលាម៉ោង ១១ និង ៣០នាទី។
-ចំណុចកើតហេតុ: ផ្ទះឈ្មោះ ញាន រស់ ភូមិកំពង់សំបួលេី ឃុំព្រែកថ្មី ស្រុកកោះធំ ខេត្តកណ្ដាល។
+ជនរងគ្រោះ ០១នាក់:
ឈ្មោះ ព្រំ ចាន់ថន ភេទប្រុស អាយុ៤៦ឆ្នាំ ជនជាតិខ្មែរ មានទីលំនៅៗភូមិ៤ សង្កាត់ទំនប់ទឹក ខណ្ឌចម្ការមន រាជធានីភ្នំពេញ មុខរបរ ជាងជួសជុលម៉ូតូ។
+ ជនសង្ស័យ ០២នាក់:
១/-ឈ្មោះ ហេង គឹមហុង ភេទប្រុស អាយុ២៧ឆ្នាំ ជនជាតិខ្មែរ មានទីលំនៅៗភូមិកំពង់ស្វាយលេី ឃុំព្រែកថ្មី ស្រុកកោះធំ ខេត្តកណ្ដាល មុខរបរ កសិករ(ឃាត់ខ្លួន)។
២/-ឈ្មោះ ញាន  រស់ ភេទប្រុស អាយុ ៣៤ឆ្នាំជនជាតិខ្មែរ មានទីលំនៅៗភូមិកំពង់សំបួលេី ឃុំព្រែកថ្មី ស្រុកកោះធំ ខេត្តកណ្ដាល មុខរបរកសិករ(ឃាត់ខ្លួន)។
+វត្ថុតាងចាប់យក៖
–
**សភាពរឿងហេតុ
កាលពីថ្ងៃទី០៥ ខែមីនា ឆ្នាំ២០២០ ជនរងគ្រោះ ព្រំ ចាន់ថន បានជួលម៉ូតូ ០១គ្រឿង ម៉ាក Honda Wave 100 ពណ៌ខ្មៅ មានលេខតួ RLHHC08008Y-506469 និងលេខម៉ាស៊ីន HC08E-0809464 ពាក់ស្លាកលេខ ភ្នំពេញ 1AH-1697 ទៅអោយជនបរទេសម្នាក់ ក្នុងតម្លៃ ៦០ដុល្លារអាមេរិក ក្នុងមួយខែ។ លុះនៅថ្ងៃទី២៩ ខែមីនា ឆ្នាំ២០២០ វេលាម៉ោង១៦ និង ០០នាទី ជនបរទេសដែលបានជួលម៉ូតូខាងលេី បានមកប្រាប់ជនរងគ្រោះថា ម៉ូតូដែលខ្លួនបានជួលនោះត្រូវចោរលួចបាត់ហេីយ។ ក្រោយមកជនរងគ្រោះបានស្វែងរកម៉ូតូរបស់ខ្លួន តាមរយ:ប្រព័ន្ធGPS ដាក់ក្នុងម៉ូតូនោះ ឃេីញនៅចំណុចភូមិកំពង់សំបួលេី ឃុំព្រែកថ្មី ស្រុកកោះធំ ខេត្តកណ្ដាល ។ ក្រោយពីដឹងទីតាំងម៉ូតូហេីយ ជនរងគ្រោះក៏បានមកដាក់ពាក្យបណ្ដឹងនៅអធិការដ្ឋាននគរបាលស្រុកកោះធំ តែម្ដង។ ក្រោយពីទទួលបានបណ្ដឹងភ្លាម កម្លាំងនគរបាលស្រុក និងប៉ុស្ត៍រដ្ឋបាលព្រែកថ្មី រួមជាមួយជនរងគ្រោះ បានចុះស្រាវជ្រាវស្វែករកឃេីញម៉ូតូ ០១គ្រឿង ដែលបានបាត់ខាងលេី នៅចំណុចផ្ទះជនសង្ស័យ ញាន រស់ នៅវេលាម៉ោង ១១ និង ៣០នាទី ថ្ងៃទី០១ ខែមេសា ឆ្នាំ២០២០ ។ បន្ទាប់មកក៏បាននាំខ្លួនឈ្មោះ ញាន រស់ និងវត្ថុតាងម៉ូតូខាងលេី មកកាន់អធិការដ្ឋាននគរបាលស្រុកកោះធំ។
តាមចម្លេីយសារភាពរបស់ឈ្មោះ ញាន រស់ បានសារភាពថា ខ្លួនបានទិញម៉ូតូខាងលេី នេះដោយគ្មានលិខិតស្នាម ឬឯកសារម៉ូតូអ្វីទាំងអស់ ពីបុរសម្នាក់ពុំស្គាល់ឈ្មោះ តាមរយៈឈ្មោះ ហេង គឹមហុង ជាអ្នកទំនាក់ទំនងរកទិញអោយ។
ក្រោយមកនគរបាលយេីងបានបន្តធ្វេីការឃាត់ខ្លួនឈ្មោះ ហេង គឹមហុង យកមកកាន់អធិការដ្ឋាន ដេីម្បីសាកសួរ។
នៅចំពោះមុខនគរបាល ឈ្មោះ ហេង គឹមហុង បានសារភាពថា
របាយការណ៍ខាងលើជូនមេជ្រាប។
សូមគោរពលាមេ៕