ក្លិបនៅលីកកំពូលអ៊ីតាលីនឹងមិនប្រមូលផ្ដុំតាមផែនការនៅដើមខែមេសានេះទេ ដោយសារនាយករដ្ឋមន្ត្រីអ៊ីតាលីលោក Giuseppe Conte បានចេញបម្រាមមិនឲ្យប្រកួត ព្រោះ តែស្ថានភាពវីរុសកូរ៉ូណាបន្តវាយលុកពេញទីក្រុង និងបង្កឲ្យមានមនុស្សជាច្រើនម៉ឺននាក់ឆ្លង។
ក្លិប២មានដូចជា Napoli និង Lazio គឺជាក្រុមដំបូងដែលគ្រោងហ្វឹកហាត់លឿនជាងគេតាមផែនការ។ប៉ុន្តែដោយសារស្ថានភាពវីរុសកូរ៉ូណាមិនទាន់បានធូរស្រាលដូច្នេះ ក្របខ័ណ្ឌកំពូលអ៊ីតាលីតម្រូវឲ្យក្លិបនីមួយៗត្រូវរង់ចាំដល់យ៉ាងហោចណាស់ថ្ងៃទី១៣ ខែមេសាទើបប្រមូលផ្ដុំហ្វឹកហាត់បាន។
រហូតមកដល់បច្ចុប្បន្នមនុស្សប្រមាណ១ម៉ឺន ៣ពាន់នាក់បានស្លាប់ដោយសារមេរោគកូរ៉ូណា នៅអ៊ីតាលី ខណៈតួលេខអ្នកស្លាប់ទូទាំងពិភពលោកបានកើនដល់ជិត៥ម៉ឺននាក់ក្នុងនោះមាន អាមេរិក អ៊ីតាលី អេស្ប៉ាញ កូរ៉េខាងត្បូង និងចិនមានមនុស្សស្លាប់ច្រើនជាងគេ៕
ដោយ៖ ភិរក្ស
