ភ្នំពេញ៖ បុរសម្នាក់បើក រថយន្តម៉ាកកាមរី បាឡែនមួយគ្រឿងបើកបត់ឆ្លងផ្លូវមិនប្រយ័ត្នជ្រុលទៅបុកនឹងរថយន្តមួយគ្រឿងផ្សេងទៀតម៉ាក ឡិចស៊ីសចំពីចំហៀងបណ្ដាលឲ្យរងការខូចខាត ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៩ និង៤០នាទីយប់ ថ្ងៃទី១២ ខែមករា ឆ្នាំ២០១៦ នៅចំណុចមុខវិទ្យាល័យព្រះសុីសុវត្តិ តាមបណ្ដោយផ្លូវព្រះនរោត្ដម ស្ថិតក្នុងសង្កាត់ជ័យជំនះ ខណ្ឌដូនពេញ ។

តាមសាក្សីដែលឃើញហេតុនេះបានឲ្យដឹងថា មុនពេលកើតហេតុគេបានឃើញរថយន្តឡិចស៊ីស RX300 ពណ៌ស្ករ ពាក់ស្លាកលេខភ្នំពេញ2C-9424 បើកបរទិសដៅពីត្បួងទៅជើងតាមបណ្ដោយផ្លូវព្រះនរោត្ដម ក្នុងល្បឿនល្មម ខណះមកដល់ចំណុចកើតហេតុស្រាប់តែមានរថយន្តបាឡែន ពណ៌ស្ករ ពាក់ស្លាកលេខភ្នំពេញ2Z-0469 ដែលបើកបរតាមបណ្ដោយផ្លូវ១៨៤ ទិសដៅពីលិចទៅកើត ហើយមកដល់ផ្លូវព្រះនរោត្ដម ក៏បានបត់ឆ្វេងឆ្លងផ្លូវដោយបត់មិនប្រយ័ត្ន ក៏ជ្រុលទៅបុករថយន្តឡិចស៊ីសចំពីចំហៀងបណ្ដាលឲ្យរថយន្តឡិចស៊ីស កូតទ្វារមួយចំហៀង និងបែកកង់ក្រោយផ្នែកខាងឆ្វេង រីឯរថយន្តបាឡែនដែលបង្កនោះក៏បានរបូតកាងពីមុខផងដែរ ។ ដោយឡែកក្នុងហេតុការណ៍គ្រោះថ្នាក់ចរាចរណ៍ខាងលើនេះមិនបណ្ដាលឲ្យមនុស្សណាម្នាក់រងរបួសនោះទេ ។

ក្រោយពេលកើតហេតុខាងម្ចាស់រថយន្តបាឡែនសង់ថ្លៃខូចខាតទៅលើម្ចាស់រថយន្តឡិចស៊ីស ដើម្បីបញ្ចប់រឿងនៅនិងកន្លែងកើតហេតុ ៕

ដោយ៖ ព្រែកជ័យ