ភ្នំពេញ៖ សមត្ថកិច្ចនគរបាលព្រហ្មទណ្ឌខណ្ឌឬស្សីកែវឃាត់ខ្លួនជនសង្ស័យម្នាក់ កាលពីម៉ោងជាង១រសៀលថ្ងៃទី១៣ ខែមករា ឆ្នាំ២០១៦នេះតាមពាក្យរបស់ជនរងគ្រោះម្នាក់ ក្រោយពេលជនសង្ស័យធ្វើសកម្មភាពលួចទូរស័ព្ទដៃ កាលពីម៉ោង៦ព្រឹកថ្ងៃទី១២ ខែមករា ឆ្នាំ២០១៦ នៅចំណុចក្រុម៣ ភូមិ៤ សង្កាត់ច្រាំងចំរះទី1 ខណ្ឌឫស្សីកែវ ។
សមត្ថកិច្ចនគរបាលមូលដ្ឋានបានឲ្យដឹងថា ជនសង្ស័យដែលឃាត់ខ្លួនខាងលើមានឈ្មោះ សិប យ៉ាន អាលី ភេទប្រុស អាយុ២៥ឆ្នាំ មុខរបរមិនពិតប្រាកដស្នាក់នៅផ្ទះគ្មានលេខ ផ្លូវជាតិលេខ5 ក្រុម២ ភូមិ៤ សង្កាត់ច្រាំងចំរះ២ ខណ្ឌឬស្សីកែវ។ ចំណែកជនរងគ្រោះឈ្មោះ យ៉ាគ្រីយ៉ា ភេទប្រុស អាយុ21មុខរបរជាងសំណង់ស្នាក់នៅភូមិស្វាយជុក ឃុំពាមស្វាយមង្គល ស្រុកសាមគ្គីមានជ័យ ខេត្តកំពង់ឆ្នាំង និងម្នាក់ទៀតឈ្មោះ សារ៉សេត ភេទប្រុស អាយុ៣០មុខរបរជាងសំណង់ស្នាក់នៅផ្ទះលេខ49 ផ្លូវលេខ5 ក្រុម3 ភូមិ3 សង្កាត់ច្រាំងចំរះ1 ខណ្ឌឫស្សីកែវ។ រីឯទូរសព្ទ័ដៃរបស់ជនរងគ្រោះត្រូវបានជនសង្សយ័យកទៅបញ្ចាំនៅផ្សារកណ្តាលខណ្ឌដូនពេញ។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនិតិវិធី៕
ដោយ៖ ជ្រោយពេជ្រ
