ភ្នំពេញ៖ អ្នកប្រដាល់កម្ពុជា ពេជ្រ សីហា មកពីសមាគមកីឡាប្រដាល់ ក្រសួងការពារជាតិនឹងទទួលស្វាគមន៍ អ្នកប្រដាល់ថៃឈ្មោះ ភិច ប៊ុនជុង ក្នុង ប្រភេទទម្ងន់៦៩គីឡូក្រាម ។ ចំណែក កីឡាករ សារឿន ចាន់ មកពីក្លិបតា ព្រហ្មមានជ័យត្រូវជួបប្រកួតជាមួយអ្នកប្រដាល់ឡាវឈ្មោះ ស៊ុបភើ សេម ក្នុង ប្រភេទទម្ងន់៦០គីឡូក្រាមនាព្រឹកថ្ងៃ អាទិត្យ ទី១៧ ខែមករា ឆ្នាំ២០១៥ នៅ លើសង្វៀនទូរទស្សន៍អាស៊ីអាគ្នេយ៍ ។
ជំនួបប្រកួតរវាងអ្នកប្រដាល់ជើង ខ្លាំងកម្ពុជា-ឡាវ និងថៃនាចុងសបា្ដហ៍ នេះអាចធ្វើឱ្យកក្រើកសង្វៀនអាស៊ីអាគ្នេយ៍ ជាក់ជាពុំខានឡើយ ។ កីឡាករ ពេជ្រ សីហា មានបទពិសោធន៍ប្រកួត១០២ ដង ក្នុងនោះគេវាយឈ្នះបាន៧៧ដង ចាញ់១៧ដង ស្មើ៥ដង ប្រកួតចុងក្រោយ វាយចាញ់កីឡាករថៃឈ្មោះ រ៉ារឿង ដោយពិន្ទុ ។ ចំណែកឯកីឡាករ ភិច ប៊ុនជុង មាន ប្រវត្ដិប្រកួតចំនួន៧៨ដង ក្នុងនោះវាយ ឈ្នះ៦៥ដង ចាញ់១២ដង ស្មើ១ដង ។
បើទោះបីប្រវត្ដិប្រកួតរបស់អ្នក ប្រដាល់ទាំង២ខាងលើហាក់មានគម្លាត ឆ្ងាយពីគ្នាបន្ដិចក៏ដោយ ប៉ុន្ដែកាយសម្ប ទារបស់ពួកគេប្រហាក់ប្រហែលគ្នា នេះ បើយោងតាមប្រវត្ដិរូបសង្ខេបដែល គណៈកម្មការរៀបចំការប្រកួតបានបង្ហាញ ឱ្យដឹង ។
ពេជ្រ សីហា គឺជាអ្នកប្រដាល់ល្បី ខាងប្រើស្នៀតជង្គង់ ទាត់ និងកែង សម្រាប់ប្រភេទទម្ងន់៦៩គីឡូក្រាម របស់គេពុំសូវមានគូប្រកួតក្នុងស្រុក ច្រើននោះទេ ។ កីឡាករដែលអាច ប្រកួតជា មួយ ពេជ្រ សីហា បានមាន ដូចជា ឡុង សុភី, ឡៅ* ស៊ីណាត, ម៉ឺន សុភា និង កែវ រំចង់ ប៉ុណ្ណោះ ។ ដូច្នេះ ចាំមើលថាតើ ពេជ្រ* សីហា អាចមាន ឱកាសស្ដារកិត្ដិយសឡើងវិញបានទេ បន្ទាប់ពីចាញ់អ្នកប្រដាល់ថៃ រ៉ារឿង ?
ជំនួបប្រកួតរវាងអ្នកប្រដាល់ សារឿន ចាន់ និង ស៊ុបភើ សេម មកពីប្រទេស ឡាវត្រូវបានគេកត់សម្គាល់ឃើញថា ស៊ុបភើ សេម មានកម្រិតបច្ចេកទេស ខ្ពស់ជាង សារឿន ចាន់ របស់កម្ពុជា ។ កីឡាករ សារឿន ចាន់ មានកម្ពស់១.៦៦ ម៉ែត្រ ទម្ងន់៦០គីឡូក្រាម ធ្លាប់ប្រកួត បាន៧១ដង ឈ្នះ៦១ដង ចាញ់៩ដង ស្មើ ១ដង រីឯ ស៊ុបភើ សេម មានកម្ពស់ ១.៦៥ម៉ែត្រ ទម្ងន់៦០គីឡូក្រាម ធ្លាប់ ឡើងសង្វៀន១០៦ដង ក្នុងនោះឈ្នះ៩៤ដង ចាញ់១០ដង ស្មើ២ដងប្រកួតចុងក្រោយ វាយឈ្នះកីឡាករ ម៉ន សាម៉េត ដោយពិន្ទុ ខណៈ សារឿន ចាន់ ចាញ់អ្នកប្រដាល់ថៃ យ៉ត សៃយ៉ាំ ក្នុងទឹកទី២ ។ នៅព្រឹកថ្ងៃ ដដែលនោះដែរក៏មានការប្រកួតមិត្ដ ភាពរវាងកីឡាករ ធា នុរាជ មកពីក្លិប ពោធិ៍ជ័យកីឡាត្រូវប្រកួត ជាមួយ ឈិន ក្វាន់ង៉ុយ មកពីក្លិបមកុដរាជសីហ៍ក្នុង ប្រភេទទម្ងន់៦៥គីឡូក្រាម ៕
ដោយ៖ សារីម
