អាមេរិក៖ មុនពេលកូវីដ១៩ វាយលុកនៅលើទឹកដីអាមេរិក ប្រធានាធិបតីដូណាល់ ត្រាំ ធ្លាប់បានសរសើរចិន គ្រប់ពេលវេលា រាល់ពេលដែលលោកធ្វើសន្និសីទកាសែត ពេលខ្លះនៅក្នុងសន្និសីទកាសែតមួយលើកសរសើរចិនពីរទៅ៣ដងក៏មាន ថាចិនទប់ស្កាត់កូវីដ១៩ បានល្អបំផុត ។
តាមតួលេខរបស់ លោក CNN ដែលបានគត់ត្រាទុក នៅក្នុងខែមករា លោកត្រាំ សរសើរចិន ៩លើក ក្នុងខែកុម្ភៈសសើរចិន ១៥លើក នៅក្នុងខែមីនា មាន១២លើក និង ខែមេសាមានតែ១លើកគត់នៅដើមខែតែម្តង ពេលអាមេរិកមិនទាន់មានអ្នកស្លាប់ច្រើន។
នៅថ្ងៃទី២៣ខែមេសា សារព័ត៌មាន CNN បានផ្សាយថា ប្រធានាធិបតីដូណាល់ ត្រាំ ធ្លាប់បានសរសើរដល់ ចិន ដល់ទៅ៣៧លើកពីវិធីសាស្ត្រទប់ស្កាត់បានយ៉ាងល្អបំផុត។ មិនតែប៉ុណ្ណោះ លោកត្រាំ បានសរសើរដល់ ប្រធានាធិបតីចិន ស៊ី ជីនពីង ថាមានតម្លាភាពក្នុងការទប់ស្កាត់កូវីដ១៩។តាមសារព័ត៌មាន CNN ចាប់តាំងពី ខែមករា ឆ្នាំ២០២០មក លោកត្រាំបានសរសើរ ចិនដល់ទៅ៣៧លើក ហើយការសសើរចុងក្រោយបំផុតគឺនៅថ្ងៃទី១ខែមេសា ។
ប៉ុន្តែសម្តីសសើររបស់លោកត្រាំ រក្សាមិនបានយូនោះឡើយ ក្រោយពេលអាមេរិកឆ្លងនឹងស្លាប់ច្រើន លោកត្រាំបែជាងាកទៅវាយប្រហារចិនថាបានលាក់បាំង ព័ត៌មាន ទើបធ្វើឲ្យអាមេរិកមានអ្នកឆ្លងច្រើនបែបនេះ។ ប្រធានាធិបតីដូណាល់ ត្រាំ ក៏បាន វាយប្រហារទៅលើអង្គការសុខភាពពិភពលោក ថាលំអៀង ទៅប្រទេសចិន។ ទាំងនោះហើយបានជាលោកត្រាំ ឈប់ជំនួយដល់WHO៕

ដោយ៖ ធី រីណា