ទឹកប្រាក់រហូត ដល់១។៥០០លានដុល្លារអាមេរិករបស់ ក្រុមហ៊ុនឆ្នោត The California Lottery បានរកឃើញម្ចាស់ហើយកាលពីថ្ងៃទី ១៣ ខែមករា ឆ្នាំ២០១៦ ហើយសន្លឹក ឆ្នោតដែលត្រូវរង្វាន់នោះលក់នៅក្នុង សង្កាត់ Chino Hills ទីក្រុង Los angeles អាមេរិក ។
កាលពីថ្ងៃពុធដែលជាថ្ងៃចេញលេខ ឆ្នោតរង្វាន់ធំគេសង្កេតឃើញមានការ ផ្អើលទិញសន្លឹកឆ្នោត Powerball នៅ ទូទាំងសហរដ្ឋអាមេរិកដោយមនុស្សឈរ ទាំងជួរៗដើម្បីរង់ចាំទិញឆ្នោតនៅតាមហាងនានាជាមួយនឹងក្ដីស្រមៃក្លាយជា មហាសេដ្ឋីក្នុងពេលតែមួយប៉ប្រិចភ្នែក។ ក្រុមហ៊ុនបានប្រកាសថាលេខដែលឈ្នះ រង្វាន់គឺ០៨ ២៧ ៣៤ ០៤ ១៩ និង Powerball 10 ។ វាត្រូវបានគេចេញ នៅម៉ោង១០និង៥៩នាទីយប់ថ្ងៃពុធដែល ត្រូវជាព្រឹកថ្ងៃព្រហស្បតិ៍នេះម៉ោងនៅ កម្ពុជា ។
ក្រុមហ៊ុនបានបញ្ជាក់ថា បើមិន មានអ្នកឈ្នះរង្វាន់នេះទេនោះការចេញ លេខឆ្នោតថ្មីនឹងប្រព្រឹត្ដទៅនៅថ្ងៃសៅរ៍ ហើយរង្វាន់នឹងឡើងដល់២.០០០លាន ដុល្លារ។
សូមបញ្ជាក់ថាអ្នកឈ្នះឆ្នោតរង្វាន់យក្សនេះអាចទទួលយកប្រាក់សុទ្ធ៩៣០លានដុល្លារបើខ្លួនជ្រើសយកការបង់ប្រាក់ ភ្លាមជាជាងការទទួលប្រាក់ប្រចាំឆ្នាំនៅរយៈពេល២៩ឆ្នាំ ៕
ប្រែសម្រួល៖ ម៉ែវ សាធី
