ខេត្តរតនគិរី៖ រថយន្តដឹកដីខ្សាច់មិនបានបិទបាំងបណ្តាលឲ្យដីខ្សាច់ហុយជ្រុះរប៉ាត់រប៉ាយពាសពេញផ្លូវជាតិលេខ៧៨ កាលពីវេលាម៉ោង១និង00នាទីរសៀល ថ្ងៃទី១៤ ខែមករា ឆ្នាំ២០១៦ ។
រថយន្តហ៊ីយ៉ាន់ដាយ ដឹកដីខ្សាច់មិនបានគ្របស្បៃធ្វើឲ្យជ្រុះរាយប៉ាយលើផ្លូវថ្នល់ដែលដឹកចេញពីក្រុងបានលុងឆ្ពោះទៅភូមិបញ៉ុក តាមកំណាត់ផ្លូវជាតិលេខ៧៨ ។ រថយន្តពាក់ស្លាកលេខភ្នំពេញ ៣c.៤០០៤ កំពុងដឹកខ្សាច់យ៉ាងរលូន មិនដែលឃើញសមត្ថកិច្ចណាចាត់វិធានការ ឬណែនាំឡើយ។
ឣ្នកសារព័ត៌មានក៍បានរាយការណ៍ទៅសមត្ថកិច្ចដែលដាក់កុងត្រូលលើដងផ្លូវលេខ៧៨ ត្រង់ចំណុចភូមិបញ៉ុក ឃុំសាមគ្គី ស្រុកឣូរជុំខេត្តរតនគិរី ប៉ុន្តែសមត្ថកិច្ចទាំងនោះមិនបានបង្ក្រាបទៅលើរថយន្តដឹកខ្សាច់នោះទេ ប្រហែលមានការសូកប៉ាន់ពីឣាជីវករនោះហើយមើលទៅបានជាមិនហានណែនាំដូច្នេះ។
ប្រជាពលរដ្ឋសំណូមពរដល់អាជ្ញាធរក្រុងមេត្តាជួយរឹតបន្តឹងទៅលើរថយន្តដែលដឹកដីខ្សាចជ្រុះហុយរាយប៉ាយនេះផង ៕
ដោយ៖ អ៊ុច សាវុទ្ធ
