រថយន្ដដឹកទំនិញគេចពន្ធបើកលឿនបុកគោយន្ដកន្ដ្រៃដាច់ពាក់កណ្ដាលតែម្ចាស់លោតចេញទាន់របួសបាក់ដងកាំបិត

ចែករំលែក៖

ក្រុងប៉ោយប៉ែត៖ រថយន្ដកាមរី១គ្រឿង ស៊េរីឆ្នាំ១៩៩៣ពណ៌ខ្មៅចង្កូតឆ្វេងដឹក ទំនិញគេចពន្ធបើកក្នុងល្បឿនលឿនជ្រុល ចង្កូតបុកគោយន្ដកន្ដ្រៃដឹកអង្ករដាច់ជា២ សំណាងល្អម្ចាស់លោតចេញទាន់បណ្ដាល ឱ្យរងរបួសយ៉ាងដំណំកាលពីវេលាម៉ោង ២និង៣៥នាទីរសៀល ថ្ងៃទី១៥ ខែមករា ឆ្នាំ២០១៦ តាមបណ្ដោយផ្លូវជាតិលេខ៥ ត្រង់ចំណុចផ្លូវបំបែកចំណុចស្ថានីយប្រេងឥន្ធនៈនៅម្ដុំកូនដំរី ឋិតក្នុងភូមិកូនដំរី សង្កាត់និមិត្ដក្រុងប៉ោយប៉ែតខេត្ដបន្ទាយ មានជ័យ។

20160115_152942

សមត្ថកិច្ចប្រាប់ថា ជនរងគ្រោះជា ម្ចាស់គោយន្ដមានឈ្មោះប៊ូ ប៉ី ភេទប្រុស អាយុ២៣ឆ្នាំ រស់នៅក្នុងភូមិរស្មីសាមគ្គី សង្កាត់និមិត្ដ ក្រុងប៉ោយប៉ែត រងរបួស ផ្នែកស្មាខាងស្ដាំ ចំណែកគោយន្នដាច់ពាក់ កណ្ដាល។ រីឯម្ចាស់រថយន្ដបង្ករឈ្មោះ ខា ជីវ៉ា ភេទប្រុស អាយុ៣០ឆ្នាំ រងរបួស ស្រាលរស់នៅក្នុងភូមិ-សង្កាត់ផ្សារកណ្ដាល ក្រុងប៉ោយប៉ែត បើករថយន្ដកាមរីស៊េរី ឆ្នាំ១៩៩៣ ពណ៌ខ្មៅ ពាក់ស្លាកលេខបាត់ ដំបង២A-០២៥៥ ខូចខាតផ្នែកខាងមុខ ធ្ងន់ ។

ប្រភពនៅកន្លែងកើតហេតុប្រាប់ថា គោយន្ដកន្ដ្រៃបានដឹកអង្ករបើកពីទិសខាង កើតទៅទិសខាងលិចដោយឆ្លងផ្លូវជិតផុតលុះដល់កន្លែងកើតហេតុរថយន្ដបង្ករបាន ធ្វើដំណើរពីលិចឆ្ពោះទៅកើតដឹកទំនិញ គេចពន្ធចេញពីក្រុងប៉ោយប៉ែត ដែល ទំនិញទាំងនោះយកចូលមកកម្ពុជាតាម ច្រករបៀងក្នុងល្បឿនលឿនជាន់ហ្វ្រាំមិន ទាន់ក៏បុកចំពីហៀង ខណៈគោយន្ដកំពុង ឆ្លងផ្លូវបណ្ដាលឱ្យដាច់គោយន្ដកន្ដ្រៃជាពី ធ្លាក់អង្កររាយពេញផ្លូវតែសំណាងអ្នកបើក គោយន្ដលោតចេញទាន់បណ្ដាលឱ្យរង របួសបាក់ដងកាំបិតខាងស្ដាំ ។

ក្រោយហេតុការណ៍សមត្ថកិច្ចជំនាញប៉ុស្ដិ៍និមិត្ដចុះវាស់វែងយករថយន្ដបង្ក និងគោយន្ដជនរងគ្រោះទៅរក្សាទុកនៅ ប៉ុស្ដិ៍នគរបាលដើម្បីដោះស្រាយតាមផ្លូវ ច្បាប់ ។

គួរបញ្ជាក់ថា ពលរដ្ឋរស់នៅកន្លែង កើតហេតុបាននាំគ្នាលើកឡើងថា សួមឱ្យ សមត្ថកិច្ចជំនាញមេត្ដាចាត់ការលើក្រុម អ្នកបើករថយន្ដដឹកទំនិញគេចពន្ធចេញពី ប៉ោយប៉ែតឱ្យក្រុមឈ្មួញនៅពេលយប់ផង ព្រោះរថយន្ដទាំងនោះ បើកបរមិនគោរព ច្បាប់គ្មានស្លាកលេខរថយន្ដត្រឹមត្រូវ បើកបរលឿនហួសកាកំណត់នៅទីប្រជុំ ជនហើយកន្លងមករថយន្ដទាំងនោះតែង តែបង្ករគ្រោះថ្នាក់ដល់ប្រជាពលរដ្ឋតាមផ្លូវជាតិច្រើនករណីមកហើយដោយសារ តែការបើកបរមិនគោរពច្បាប់ និងបើក លឿនហួសការកំណត់ក្នុងទីប្រជុំជន៕

20160115_153042