កម្លាំងជំនាញខណ្ឌឬស្សីកែវ និងប៉ុស្តិ៍នគរបាលរដ្ឋបាលស្វាយប៉ាក ចុះបង្ក្រាបករណីជួញដូរដោយខុសច្បាប់នូវសារធាតុញៀនឃាត់ខ្លួនជនសង្ស័យ០៣នាក់ដកហូតថ្នាំញៀន០៤កញ្ចប់កាលពីម៉ោង៣រសៀល ថ្ងៃទី០៦ ខែឧសភា ឆ្នាំ២០២០ ត្រង់ចំណុចក្រុមទី១០ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ
លោកហ៊ាង ថារ៉េត អធិការនគរបាលខណ្ឌឬស្សីកែវ បានឲ្យដឹងថាជនសង្ស័យ០៣នាក់រួមមាន
១-ឈ្មោះ លាស់ គ្រីយ៉ា អាយុ ៣១ឆ្នាំ ជនជាតិខ្មែរឥស្លាម មុខរបរជាងសំណង់ មានទីលំនៅ ភូមិថ្មសរ ឃុំខ្នាឆ្មា ស្រុកសាមគ្គីមានជ័យ ខេត្តកំពង់ឆ្នាំង។
២-ឈ្មោះ អែល ហាម៉ាត់ អាយុ ២៦ឆ្នាំ ជនជាតិខ្មែរឥស្លាម មុខរបរជាងសំណង់ មានទីលំនៅ ភូមិថ្មសរ ឃុំខ្នាឆ្មា ស្រុកសាមគ្គីមានជ័យ ខេត្តកំពង់ឆ្នាំង។
៣-ឈ្មោះ ង្វៀង យ៊ាំងឌឹក អាយុ ៣០ឆ្នាំ ជនជាតិវៀតណាម មុខរបរជាងទូ មានទីលំនៅ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
វត្ថុតាងដកហូតរួមមានក្រាមសថ្លាចំនួន ០៤កញ្ចប់ ម៉ូតូម៉ាក ហុងដាសេ១២៥ ពណ៌ខ្មៅ ស្លាកលេខ ភ្នំពេញ1FO-9034 ចំនួន ០១គ្រឿង។

បច្ចុប្បន្ន ជនស្ស័យទាំង ០៣នាក់ និងវត្ថុតាងដកហូត ត្រូវបានឃាត់ខ្លួននៅអធិការដ្ឋាននគរបាលខណ្ឌឫស្សីកែវ ដើម្បីសាកសួរ និងកសាងសំណុំរឿង បញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕ជ្រោយពេជ្រ