ក្រោយពីលីកកំពូលត្រូវបានបិទបញ្ចប់មុនកាលកំណត់ដោយសារតែបទបញ្ជារបស់រដ្ឋាភិបាលបារាំង កីឡាករ Kylian Mbappe ត្រូវបានលីកកំពូលបារាំង Ligue 1 ប្រគល់ពានស្បែកជើងមាស ។
ខ្សែប្រយុទ្ធសញ្ជាតិបារាំង Mbappe បានបង្ហាញពីគោលបំណងក្នុងការចែករំលែកពានស្បែកជើងមាសទៅកាន់ ខ្សែប្រយុទ្ធ Wissam Ben Yedderមកពីក្លិប Monaco ដែលរកបាន ១៨គ្រាប់ស្មើគ្នា នៅមុនពេលរដូវកាលត្រូវបានផ្អាក កាលពីពាក់កណ្ដាលខែមីនា ដោយសារតែវីរុសកូរ៉ូណា។
កីឡាករ Mbappe បានសរសេរនៅលើ Twitter បង្ហាញពីគោលបំណងខ្លួន ហើយថែមទាំងលើកយកការដែល Premier League ចែកស្បែកជើងមាសដល់កីឡាករ៣រូបកាលពីឆ្នាំមុន ធ្វើជាអំណះអំណាងផងដែរ ។ រីឯកីឡាករ Ben Yedder បានអរគុណ Mbappe ចំពោះការបែងចែកនេះដែរ ។
Mbappe រកបាន ១៨គ្រាប់ដោយគ្រាប់បាល់ស៊ុតចូលធម្មតាទាំងអស់។ ចំណែក ១៨គ្រាប់របស់ Ben Yedder រកបាន មាន៣គ្រាប់បានពីបាល់ពិន័យ ១១ម៉ែត្រ៕
ដោយ៖ ភិរក្ស
