ជិះម៉ូតូទៅផ្សារមិនទៅដល់ផង ត្រូវជនសង្ស័យឆក់ការបូបស្ពាយអស់លុយជាង៥លានរៀល

ចែករំលែក៖

ភ្នំពេញស្ត្រីម្នាក់ ជិះម៉ូតូចេញពីផ្ទះបំណងទៅរកទិញបន្លែនៅផ្សារដេីមគរមិនទាន់ដល់ផងស្រាប់តែមានជនសង្ស័យចំនួន២នាក់ ជិះម៉ូតូមួយគ្រឿងមកធ្វេីសកម្មភាពឆក់ការបូបស្ពាយបានសម្រេចហេីយគេចខ្លួនបាត់ដោយសុវត្ថិភាព

ហេតុការណ៍នេះបានកេីតឡេីងកាលពីវលាម៉ោង៣រសៀលថ្ងៃទី១២ខែឧសភាឆ្នាំ២០២០នៅតាមបណ្តោយផ្លូវលេខ២០០៤ស្ថិតក្នុងសង្កាត់កាកាបទី១ខណ្ឌពោធិ៍សែនជ័យ

សម្ភារបាត់បង់មាន៖លុយខ្មែរជាង៤លាន​ , លុយដុល្លារ២២០ដុល្លារ​ ,ទូរស័ព្ទមួយគ្រឿង​ ,កាតគ្រីម៉ូតូ២សន្លឹក។

តាមសំដីជនរងគ្រោះបានឱ្យដឹងថាមុនពេលកេីតហេតុរូបគាត់បានជិះម៉ូតូចេញពីផ្ទះនៅម្តុំវត្តវិហារឃួនមុខពោធិ៍ចិនតុងបំណងទៅផ្សារដេីមគររកទិញបន្លែលក់បន្តលុះមកដល់ចំណុចខាងត្បូងស្តុបផ្សារសិនជូរីបន្តិចស្រាប់តែមានជនសង្ស័យចំនួន២នាក់ជិះម៉ូតូមួយគ្រឿងមិនចាំម៉ាកមកក្បែរហេីយធ្វេីសកម្មភាពឆក់យកការបូបស្ពានពីរូបគាត់បានសម្រេចហេីយគេចខ្លួនបាត់អស់ទៅ ពេលនេះរូបគាត់បានជិះដេញតាមក្រោយបណ្តេីរនិងស្រែកឱ្យគេជួយបណ្តេីរតែមិនមានអ្នកជួយដេញនោះទេមិនត្រឹមតែប៉ុណ្ណោះរូបគាត់បានទៅប្តឹងនគរបាលដែលនោះយាមនៅគោលដៅស្តុបផ្សារសិនជូរីឱ្យជួយអន្តរាគមន៍តែលោកថាគ្មានអីជិះដេញទេ។

ជនរងគ្រោះបានបន្តថាបន្ទាប់មកទេីបរូបគាត់ជិះតាមមេីលតាមផ្លូវក្រែងជួបបន្ទាប់មកទៅសម្រេចចិត្តមកប្តឹងនៅប៉ុស្តិ៍នគរបាលរដ្ឋបាលចោមចៅទី៣តែដោយសារតែទីតាំងកេីតហេតុនៅក្នុងមូលដ្ឋានប៉ុស្តិ៍កាកាបទី១ទេីបសមត្ថកិច្ចជូនទៅដាក់ពាក្យបណ្តឹងនៅទីនោះវិញ៕ដោយ៖សុខា សែនជ័យ

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print