ភ្នំពេញ៖ យ៉ាងហោចណាស់មានលក្ខខណ្ឌ៧ចំណុច ដែលក្រុមសម្ព័ន្ធនិយោជក និងសមាគមពាណិជ្ជកម្មកម្ពុជា បានស្នើទៅកាន់គណៈកម្មការចំពោះកិច្ចរដ្ឋសភាភាគីគណបក្សប្រជាជនកម្ពុជា ក្រោយពីគណៈកម្មាការចំពោះកិច្ចរវាងគណបក្សប្រជាជនកម្ពុជានិងគណបក្សសង្គ្រោះជាតិបានជួបគ្នា២ដងពិភាក្សាទៅលើដំណើររបស់ក្រុមសហជីព។
សំណើនេះត្រូវបានធ្វើឡើងនៅព្រឹកថ្ងៃទី១៨ ខែមករា ឆ្នាំ២០១៦ នៅក្នុងកិច្ចជំនួបមួយរវាងលោកប៉ែនបញ្ញាតំណាងឲ្យគណបក្សប្រជាជនកម្ពុជានិងសម្ព័ន្ធនិយោជក និងសមាគមពាណិជ្ជកម្មកម្ពុជាដែលមានលោកវ៉ាន សូអៀង ជាតំណាងដែលគេដឹងថា ជាប្រធានសមាគមរោងចក្រកាត់ដេរនាវិមានរដ្ឋសភា ។
លោកសុខ ឥសាន្ត តំណាងគណៈកម្មការនីតិកម្មនៃរដ្ឋសភាបានមានប្រសាសន៍បញ្ជាក់ថា នៅក្នុងជំនួបពិភាក្សាភាគីនៃសមាគមរោងចក្របានដាក់សំណើរជូនគណកម្មការនីតិកម្មរដ្ឋសភា ចំនួន៧ចំណុចស្មើ៧មាត្រា នៅក្នុងសេចក្តីព្រាងច្បាប់សហជីព ។ គណៈកម្មការ កិច្ចរដ្ឋសភា នឹងលើកយកបញ្ហាទាំងអស់របស់សមគមរោងចក្រទៅពិភាក្សាផ្ទៃក្នុងជាមួយគណៈកម្មការចំពោះកិច្ចនៃគណបក្សប្រជាជនកម្ពុជា និងគណបក្សសង្គ្រោះជាតិ ។
លោកសុខ ឥសាន ឲ្យដឹងដែរថា ភាគីទាំងពីរបានពិភាក្សាគ្នាបានចំនួន១១មាត្រា គឺពីមាត្រា១៣ ដល់មាត្រា២៤ ។ លោកបញ្ជាក់ថា ៨ចំណុចនៅក្នុង១១មាត្រាដែលបានពិភាក្សាមាន៧ចំណុចភាគីទាំងពីរបានយល់ស្របគ្នា ។
ក្នុងចំណោមលក្ខខណ្ឌទាំង៧ចំណុចដែលស្នើពេលនេះមានចំណុចសំខាន់ៗដូចជាទី១-ត្រង់មាត្រា១០ ភាគីនយោជកស្នើសុំឲ្យមានការកែប្រែនូវការកម្រិតចំនួនកម្មករនិយោជិត ក្នុងការចូលរួមបង្កើតសហជីព ។ ត្រូវបង្កើតឡើងដោយកម្មករនិយោជិតយ៉ាងតិច២០ភាគរយនៃចំនួនកម្មករនិយោជិតសរុប, ទី២-មាត្រា១៣លក្ខន្តិកៈរបស់ឬសមាគមនិយោជកណាដែលស្នើសុំចុះបញ្ជីត្រូវបង្កើតចំនួនកូរ៉ុមប្រជុំចំនួនភាគច្រើនដាច់ខាត (យ៉ាងតិច៥០ភាគរយបូក១) , លក្ខខណ្ឌតម្រូវឲ្យមានការបោះឆ្នោតជាសំងាត់ដោយសំឡេងយ៉ាង៥០ភាគរយបូក១ ដែលចំណុចទាំងនេះក្រុមសហជីពលើកឡើងថាមានការរិតត្បិតក្នុងការបង្កើតសហជីពនមិងចុះបញ្ជីជាដើម។
ក្រុមនិយោជកក៏ស្នើគណៈកម្មការជំនាញនៃរដ្ឋសភាកែសម្រួលមាត្រាមួយចំនួននៃច្បាប់ស្តីពីសហជីពដោយទាមទារឲ្យមានការរឹតបន្តឹងការកំណត់ចំនួនសមាជិកដែលអាចបង្កើតសហជីពមូលដ្ឋានបាននៅតាមសហគ្រាសនិងស្នើឲ្យក្រសួងការងារមានអំណាចក្នុងការព្យួរបញ្ជីការបស់សហជីព។
លោកវ៉ាន់ ស៊ូអៀង ប្រធានសមាគមរិងចក្រកាតនៅកម្ពុជាមានប្រសាសនបញ្ជាក់ថានេះជាជំនួបពិភាក្សាល្អរវាងគណកម្មការនីតិកម្មសភាជាមួយតំណាងសមាគមរោងចក្រកម្ពុជាដើម្បីលើនូវបញ្ហាកង្វល់នៅក្នុងសេចក្តីព្រាងច្បាប់ស្តីពីសហជីពដែលស្ថិតនៅក្នុងការពិក្សាគណកម្មការរដ្ឋសភា ។
លោកបញ្ជាក់ថា ការស្នើនេះគឺជាការចូលរួមលើកំពស់សិទ្ធិសេរីពក្នុងការតវ៉ាដោយសន្តិវិធីដែលស្របតាមច្បាប់សហជីពដោយចង់ឲ្យមានតំណាង២០ភាគរយក្នុងចំណោមកម្មករនៃរោងចក្រសហគ្រាសដោយសុំឲ្យចែងក្នុងច្បាប់សហជីព ។
លោកបន្តថា នៅកម្ពុជារោងចក្រ៨០ភាគរយ គោរពច្បាប់តែការធ្វើបាតុកម្មកូដកម្មកន្លងមកនៅតែមានច្រើនព្រោះខាងសហជីពចង់បានលុយ ។ លោកមានប្រសាសន៏ទៀតថា ឥឡូវនេះអ្នកវិនិយោគវិស័យឧស្សាហកម្មកាត់ដេរនឹងស្បែកជើងកំពុងតែរង់ចាំមើលច្បាប់សហជីពដែលសភាអនុម័តបើច្បាប់នោះល្អអ្នកវិនិយោគទុនគេនឹងចូលបណ្តាក់ទុននៅកម្ពុជាកាន់តែច្រើន៕
ដោយ៖ វឌ្ឍនា
