ភ្នំពេញ: ប៉ុស្តិ៍នគរបាលរដ្ឋបាលភ្នំពេញថ្មី នៅថ្ងៃទី២១ ខែឧសភា ឆ្នាំ២០២០ ម៉ោង១១ និង៣០នាទីព្រឹក បានឃាត់ខ្លួនជនសង្ស័យ០២នាក់ ករណីលួចស្លាកលេខរថយន្ត កាលពីថ្ងៃទី០៦ ខែឧសភា ឆ្នាំ២០២០ ម៉ោង០១ រំលងអធ្រាត្រ នៅចំណុចមុខបន្ទប់ជួល ផ្លូវ១៩៧៨ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធាណីភ្នំពេញ។

សមត្ថកិច្ចបានឲ្យដឹងថាជនសង្ស័យ ០២នាក់៖
១-ឈ្មោះ ធូ សុភក្ត្រ័ អាយុ ៣៧ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខដេ១៩ ផ្លូវបេតុង ភូមិព្រៃទា សង្កាត់ចោមចៅ១ ខណ្ឌពោធិ៍សែនជ័យ (មានសារធាតុញៀន) ។
២-ឈ្មោះ ឃិន ខុំ អាយុ ៣៧ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិព្រៃព្រីងខាងជើង សង្កាត់ចោមចៅ៣ ខណ្ឌពោធិ៍សែនជ័យ (មានសារធាតុញៀន) បានធ្វើសកម្មភាពលួចផ្លាកលេខរថយន្តរបស់ឈ្មោះ ងន តុងអាន ភេទប្រុស អាយុ ៣៨ឆ្នាំ ជនជាតិខ្មែរ មុខរបរលក់ដូរ ស្នាក់នៅបន្ទប់ជួល ផ្លូវ១៩៧៨ ភូមិពោងពាយ សង្កាត់ភ្នំពេញថ្មី ខណ្ឌសែនសុខ ។

ក្រោយឃាត់ខ្លួនជនសង្ស័យសមត្ថកិច្ចដកហូតផ្លាកលេខរថយន្ត ភ្នំពេញ2AP-1573 ០១គូ មកវិញ

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី ៕ជ្រោយពេជ្រ