ខេត្តស្វាយរៀង៖ យុវជន២នាក់បានរងរបួសធ្ងន់ទាំងសងខាង ខណៈដែលជួបករណីគ្រោះថ្នាក់ចរាចរណ៍ជិះម៉ូតូប៉ះគ្នាកាលពីវេលាម៉ោង១៦និង៤៥នាទីថ្ងៃទី១៩ ខែមករា ឆ្នាំ២០១៦ នៅលើផ្លូវជាតិលេខ១ ត្រង់ចំណុចភូមិកំពោតប្រស់ សង្កាត់ច្រកម្ទេស ក្រុងបាវិត ខេត្តស្វាយរៀង ។
យោងតាមសមត្ថកិច្ចនគរបាលក្រុងបាវិតបានអោយដឹងថា មុនពេលកើតហេតុមានម៉ូតូ១គ្រឿង ម៉ាកហុងដា សេ១២៥ ផ្លាកលេខ ស្វាយរៀង 1G-1779 បើកបរដោយឈ្មោះម៉ី សុជា អាយុ18ឆ្នាំ មុខ របរជាសិស្ស មានទៅលំនៅភូមិទួលអំពិល សង្កាត់ច្រកម្ទេស ក្រុងបាវិត ខណៈបើកបរពីកើតទៅលិច លុះមកដល់ចំណុចកើតហេតុខាងលើ ក៏បានបត់ឆ្វេងមិនប្រយ័ត្ន ក៏ប៉ះម៉ូតូ១គ្រឿង ម៉ាកហុងដា សេ១២៥ពាក់ស្លាកលេខ ភ្នំពេញ 1AC-0171 ពណ៌ខ្មៅ បើកបរដោយឈ្មោះចេង គឹមស៊័រ អាយុ18ឆ្នាំ មុខរបរសិស្ស រស់នៅភូមិព្រៃអង្គុញ សង្កាត់ព្រៃអង្គុញ ក្រុងបាវិត ពីកើតទៅលិច ស្របទិសគ្នាបណ្ដាលឲ្យរងរបួសធ្ងន់ សន្លប់ស្ដូកស្ដឹងទាំង២នាក់ដោយត្រូវបានប្រជាពលរដ្ឋបញ្ជូនមកកាន់មន្ទីពេទ្យបង្អែកខេត្តស្វាយរៀង រីឯវត្ថុតាងម៉ូតូទាំង២គ្រឿងត្រូវបានសមត្ថកិច្ចនគរបាលចរាចរណ៍ប៉ុស្តិ៍រដ្ឋបាលដើម្បីដោះស្រាយនាពេលក្រោយតាមច្បាប់ ។
មូលហេតុគឺមកពីម៉ូតូម៉ាកហុងដាសេ១២៥ ឈ្មោះម៉ី សុជា បត់ឆ្វេងខ្វះការប្រុងប្រយ័ត្ន ទើបជួបគ្រោះថ្នាក់នេះឡើង ៕
ដោយ៖ យឹម សុថាន
