ខេត្តស្វាយរៀងះមានការភ្ញាក់ផ្អើលដល់ម្ចាស់រថយន្តស្រែកហៅអ្នកភូមិនិងរាយការណ៍ឲ្យសមត្ថកិច្ចមូលដ្ឋានជួយអន្តរាគមន៏បាញ់ពន្លត់ទាំងយប់ខណះរថយន្តបើកសុខៗស្រាប់តែហុយផ្សែងទ្រលោមតែសំណាងមិនមានអ្នករងគ្រោះថ្នាក់។

ហេតុការណ៍នេះបានកើតឡើងកាលពីវេលាម៉ោង៩និង៥០នាទីយប់់ថ្ងៃទី ២៧ ខែ ឧសភា ឆ្នាំ២០២០ ស្ថិតនៅចំណុចខាងជើងរបង សាលាគរុបកោសល្យតាមបណ្ដោយផ្លូវ ហាយវេ ភូមិស្រះវង់ សង្កាត់ស្វាយរៀង ក្រុងស្វាយរៀង។

តាមម្ចាស់រថយន្តមិនបានប្រាប់អត្តសញ្ញាណបានឲដឹងថាមុនកើតហេតុគាត់បានបើករថយន្តមួយគ្រឿងដែលមានម៉ាក ហាយឡែនឌើ ពណ៌ទឹកប៊ិច មានផ្លាកលេខ ភ្នំពេញ ២AH. ២៩៥៩  នៅត្រង់ចំណុចខាងជើងរបងសាលាគរុកោសល្យតាមបណ្ដោយផ្លូវហាយវេ៉គោលបំណងត្រលប់មកផ្ទះខណះនោះស្រាប់តែហុយផ្សែងចេញពីខាងមុខទើបគាត់ឈប់រថយន្តដោយឃើញស្ថានភាពមិនស្រួលក៏បានស្រែកហៅអ្នកភូមិនិងរាយការណ៍មកសមត្ថកិច្ចមូលដ្ឋានជួយអន្តរាគមន៍បាញ់ពន្លត់ទាំងយប់ទាន់ពេលមិនបណ្ដាលអោយរងគ្រោះថ្នាក់ដល់មនុស្សនិងផ្ទះអ្នកភូមិក្បែកន្លែងកើតហេតុនោះទេ។

អ្នកភូមិបានឲ្យដឹងថាករណីនេះសំណាងហើយបានប្រជាពលរដ្ឋនិងសមត្ថកិច្ចមូលដ្ឋានមកអន្តរាគមន៏បាញ់ពន្លត់ទាន់កុំអីរថយន្តខាងលើឆេះសល់តែគ្រោងឆ្អឹងបាត់ទៅហើយ៕យឹម សុថាន