ភ្នំពេញ ៈនៅថ្ងៃទី២០-០១-២០១៦ វេលាម៉ោង ២២: ១៥នាទី កំលាំងល្បាតរបស់នគរបាលប៉ុស្តិ៍ផ្សារ ដេប៉ូទី១ ខណ្ឌទួលគោក បានឃាត់ខ្លួនជនសង្ស័យ ០១នាក់ជាក់ស្តែង ពីបទប៉ុនប៉ងលួច មានស្ថាន ទម្ងន់ទោស ដោយសារការប្រើអំពើហិង្សា ( ប្រើកាំ ភ្លើងជ័រ វាយប្លន់យកម៉ូតូឌុប ) ប្រព្រឹត្តនៅចំណុច មុខផ្ទះលេខ១៣ ផ្លូវលេខ២២៣ ក្រុមទី២៤ ភូមិ៦ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ ។
*ជនសង្ស័យ ៖ សម្បត្តិ សុខគា ហៅ អាត្រង៉ោល ភេទប្រុស អាយុ ៣៥ឆ្នាំ ជនជាតិខ្មែរ មុខ របរ ពុំពិតប្រាកដ ស្នាក់ផ្ទះជួល ផ្លូវហាណូយ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។ *ជនរងគ្រោះ ឃុត ម៉ាញ ភេទប្រុស អាយុ ៣២ ឆ្នាំ ជនជាតិខ្មែរ មុខរបរ រត់ម៉ូតូឌុប មានទីិលំនៅភូមិ ត្រើយអូរ ឃុំសូរ្យសែន ស្រុកព្រៃឈរ ខេត្តកំពង់ ចាម ស្នាក់នៅផ្ទះជួលពុំចាំលេខ ផ្លូវលំ ភូមិទួល គោក សង្កាត់ទួលសង្កែ ខណ្ឌឬស្សីកែវ រាជធានីភ្នំ ពេញ ។
*វត្ថុតាងចាប់យកពីជនសង្ស័យ ៖
-កាំភ្លើងខ្លីជ័រ ម៉ាកHuahu toy 319 ចំនួន០១ ដើម ( ជាឧបករណ៌ដែលជនសង្ស័យប្រើប្រាស់ក្នុង ការធ្វើសកម្មភាព ) ។
+ដំណើររឿងហេតុ ៖ នៅមុនពេលកើតហេតុ ជន សង្ស័យបានហៅម៉ូតូជនរងគ្រោះជិះចេញពីចំណុច ម្តុំមុខខារ៉ាអូខេឌីយ៉ាម៉ង់ ផ្លូវលេខ១៩៨៦ សង្កាត់ភ្នំ ពេញថ្មី ខណ្ឌសែនសុខ ឱ្យឌុបមកម្តុំស្តុបទេពផន ដោយឱ្យតម្លៃ៦០០០៛ ជនរងគ្រោះបានឌុបជន សង្ស័យដល់ចំណុចស្តុបទេពផន ជនសង្ស័យបាន ឱ្យជនរងគ្រោះឌុបទៅមុខទៀត រហូតដល់ចំណុច កើតហេតុដោយមានសភាពងងឹតស្ងាត់ ជន សង្ស័យបានប្រាប់ជនរងគ្រោះឈប់ម៉ូតូ រួចដកលុយក្រដាស ១០០០០៛ មកឱ្យជនរងគ្រោះអាប់ ពេលនោះជនសង្ស័យបានវាយជនរងគ្រោះមួយដៃ ត្រូវចំបំពង់ក ជនរងគ្រោះបានតដៃវិញ ទើបជន សង្ស័យបានដកកាំភ្លើងជ័រមកភ្ជង់គំរាម ពេលនោះ ជនរងគ្រោះមានការភ័យខ្លាច បានរត់ចោលម៉ូតូ ព្រមទាំងស្រែកចោរៗ ស្របពេលកំលាំងល្បាតរបស់នគរបាលប៉ុស្តិ៍ផ្សារដេប៉ូទី១ ដែលកំពុងល្បាត ការពារសុវត្ថិភាពនៅក្នុងមូលដ្ឋាន បានឮសម្រែក ជនរងគ្រោះ បានមកអន្តរាគមន៍ទាន់ពេលវេលា ដោយឃាត់ខ្លួនជនសង្ស័យបានជាក់ស្តែងតែម្តង។
បច្ចុប្បន្នជនសង្ស័យកំពុងឃាត់ខ្លួនជាបណ្តោះ អាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់ ៕ស ដារ៉ា
