ខេត្តក្រចេះ៖ មនុស្សប្រុសស្រី៣នាក់បានដេកស្លាប់រដូករណែលគរលើគ្នាយ៉ាងអាណោចអាធ័មបំផុតក្នុងហេតុការណ៍គ្រោះថ្នាក់ចរាចរណ៍មួយលើដងផ្លូវជាតិលេខ៧៦ ត្រូវបានគេប្រទះឃើញនិងមិនទាន់ដឹងពីមូលហេតុនៃការបង្កឡើងនិងអត្តសញ្ញាណជនរងគ្រោះនៅឡើយទេ។
ហេតុការណ៍ប្រទះឃើញមនុស្សស្លាប់ដោយគ្រោះថ្នាក់ចរាចរណ៍ស្លាប់គរលើគ្នារដូករណែលនោះនៅវេលាម៉ោង៧ៈ២០ នាទីយប់ថ្ងៃទី០៤ខែមិថុនាឆ្នាំ២០២០ស្ថិតនៅភូមិទួលតាឡី ឃុំខ្សឹមស្រុកស្នួល ខេត្តក្រចេះ។
ក្នុងហេតុកាណ៍គ្រោះថ្នាក់ចរាចរណ៍នោះ
គេឃើញមានម៉ូតូមួយគ្រឿងមានអ្នកជិះរួមគ្នា ចំនួន០៣នាក់ក្នុងនោះមានស្រី២នាក់ប្រុសម្នាក់ស្លាប់គរលើគ្នាហើយត្រូវបានអ្នកភូមិនាំគ្នាលើកសែងសាកសពយកទៅតំកល់នៅវត្តធម្មយុត្តិហៅវត្តសេះស ស្រុកស្នួលដើម្បីរង់ចាំសាច់ញាតិមកយកទៅធ្វើបុណ្យតាមប្រពៃណីផងដែរ។
ក្នុងហេតុការណ៍ខាងលើមិនទាន់ដឹងអំពីមូលហេតុនិងរកឃើញសាច់ញាតិនៅឡើយទេ
គឺដឹងត្រឹមថាម៉ូតូនិងសាកសព០៣នាក់បានដេកស្លាប់គរលើគ្នានៅលើផ្លូវជាតិលេខ៧៦យ៉ាងអាណោចអាធ័មស្ថិតក្នុងភូមិឃុំកើតហេតុខាងលើប៉ុណ្ណោះ៕ដោយ ជីវ័ន្ត
