ភ្នំពេញ៖ The Penthouse Residence ជាខុនដូ លំដាប់ថ្នាក់ពិភពលោក ដែលគ្រោងចំណាយក្នុងការសាងសង់ ចំនួនប្រមាណ៣៥លានដុល្លារ នឹងលេចរូបរាងឡើង នៅខាងមុខផ្សារទំនើប អ៊ីអន និងសណ្ឋាគារសូហ្វីតែលភ្នំពេញ មាន៣៦ជាន់ និង៤៥៨ យូនីត។ ទន្ទឹមនឹងស្ថិរភាពនយោបាយ កំណើនសេដ្ឋកិច្ច និងការអភិវឌ្ឍ វិនិយោគិន បានបោះទុនលើវិស័យខុនដូប្រណិតៗរបស់ខ្លួន នៅរាជធានីភ្នំពេញ។ ខុនដូ នេះមានទីតាំង នៅតាមបណ្តោយផ្លូវសុធារស ស្ថិតនៅអាគារ៨៣បេ។
លោកឧកញ៉ា លី ហុង អគ្គនាយក ក្រុមហ៊ុន The Penthouse Residence បានថ្លែងអោយដឹងនៅក្នុងសន្និសីទសារព័ត៌មាន កាលពីល្ងាចថ្ងៃទី២០ ខែមករាថា គម្រោងនេះ ចំណាយទឹកប្រាក់ក្នុងការសាងសង់ ប្រមាណជា៣៥លានដុល្លារ ស្ថិតនៅលើផ្ទៃដី ២ពាន់ម៉ែត្រការ៉េ មានកំពស់ចំនួន ៣៦ជាន់ ។ ចំពោះតំលៃ គឺចាប់ពី៧ម៉ឺនដុល្លារ រហូតដល់ជា៨០ម៉ឺនដុល្លារ។
លោកឧកញ៉ា លី ហុង បន្តថា The Penthouse Residence ជាខុនដូលំដាប់ផ្កាយ៥ ដំបូងបំផុតនៅកម្ពុជា ដែលមានទីតាំងនៅខាងមុខផ្សារទំនើប អ៊ីអន និងសណ្ឋាគារសូហ្វីតែលភ្នំពេញ។ The Penthouse Residence មានសាលារៀន មន្ទីរពេទ្យ ស្ថានទូត អាគារពាណិជ្ជកម្មជាច្រើន និងជាកន្លែងប្រកបដោយផាសុខភាព ក្នុងការរស់នៅ។ អាគារទាំងមូលបំពាក់ដោយកញ្ចក់ថ្លា អាចអោយលោកអ្នកទស្នាទេសភាពទីក្រុងភ្នំពេញ ទាំងស្រុង ដូចជា ព្រះបរមរាជវាំង ទន្លេមេគង្គ ទន្លេចតុមុខ ជាដើម។
លោកឧកញ៉ា បន្ថែមថា The Penthouse Residence មានកំពស់ចំនួន ៣៦ជាន់ មានអាងហែលទឹក កន្លែងហាត់ប្រាណ សូណា ស្កាយបារ និងសន្តិសុខ២៤ម៉ោង។ អ្វីដែលពិសេសជាងនេះទៅទៀត គឺមានភោជនីដ្ឋានវិលដំបូងនៅកម្ពុជា ដោយផ្តល់ជូនអតិថិជនទស្សនានូវទេសភាព បាន ៣៦០ ដឺក្រេក្នុងទីក្រុងភ្នំពេញ និងអាចវិលបានមួយជុំ ក្នុងរយៈពេលមួយម៉ោង។
លោកបញ្ជាក់ទៀតថា អតិថិជនដែលបាកក់ ឬ ជាវ មានសិទ្ធិស្របច្បាប់ និងអាចចូលទៅរស់នៅក្នុងគេហដ្ឋានថ្មីរបស់ពួកគាត់បាន ចាប់ពីឆ្នាំ២០១៨ ។
សូមបញ្ជាក់ផងដែរ The Penthouse Residence ដាក់លក់នៅថ្ងៃទី៣០ ខែមករា ឆ្នាំ២០១៦ នៅសណ្ឋាគារសូហ្វីតែលភ្នំពេញ រួមជាមួយនឹងការ ចាប់រង្វាន់ ដល់អតិថិជន ដែលបានចូលរួមកក់ និងជាវ ដោយប្រាក់កក់ដំបូងត្រឹមតែ១០០០ដុល្លារតែប៉ុណ្ណោះ សម្រាប់ព័ត៌មានលំអិតសូមទូរស័ព្ទមកលេខ 085 570 570 / 023 210 666 ។ The PenthouseResidence នឹងប្រារព្ធពិធីដាក់ចេញនូវគម្រោងសាងសង់នាថ្ងៃទី៣០ ខែមករា ឆ្នាំ២០១៦ នៅសណ្ឋាគារសូហ្វ៊ីតែលភ្នំពេញ ភូគីត្រា។
សម្រាប់ភ្ញៀវកិត្តិយសដែលចូលរួម នឹងមានការចាប់រង្វាន់យ៉ាងច្រើនសន្ធឹកសន្ធាប់ រូមមានដូចជា បន្ទប់ Condo មួយបន្ទប់ iPhone 6s Plus ចំនួន៣រង្វាន់ iPad air3 ចំនួន៣រង្វាន់ សម្រាប់ អ្នកដែលបាន់កក់ រឺទិញ។ ចំណែកអ្នកចូលរួមទូទៅ ក៏នឹងមានការចាប់រង្វាន់ ដែមានដូចជា iPhone 6s Plus ចំនួន ៣រង្វាន់ និង iPad Air3 ចំនួន៣រង្វាន់ផងដែរ ៕
ដោយ៖ ស ដារ៉ា
