ខេត្ដប៉ៃលិន៖ យុវជនម្នាក់រងរបួស ធ្ងន់បែកដៃអស់៣ម្រាមបន្ទាប់ពីបាននាំមិត្ដភក្ដិ៣នាកជិះម៉ូតូទៅទិញរំសេវផាវ ចំនួន១២គ្រាប់ទៅបោះក្នុងស្ទឹងដើម្បី ចាប់ត្រីតែចៃដន្យក៏ផ្ទុះត្រូវដៃខ្លួនឯងតែម្ដង ។
ហេតុការណ៍នេះបង្កឱ្យមានការភ្ញាក់ ផ្អើលនៅវេលាម៉ោង១១និង៣០នាទីព្រឹកថ្ងៃទី២០ ខែមករា ឆ្នាំ២០១៦ នៅចំណុច ជិតស្ទឹងកំរៀង ឃុំកំរៀង ស្រុកកំរៀង ខេត្ដ បាត់ដំបង។
ជនរងគ្រោះឈ្មោះ ស្រេង ឌីណា ភេទ ប្រុស អាយុ១៦ឆ្នាំ ជាសិស្ស រស់នៅភូមិ កំរៀង ឃុំកំរៀង ស្រុកកំរៀង ខេត្ដបាត់ ដំបង។ រីឯមិត្ដភក្ដិ២នាក់ទៀតគេមិន ប្រាប់អត្ដសញ្ញាណទេ ។
តាមប្រភពព័ត៌មានបានឱ្យដឹងថា មុនពេលកើតហេតុយុវជនទាំង៣នាក់ ខាងលើបាននាំគ្នាជិះម៉ូតូមួយគ្រឿងទៅ ទិញរំសេវផាវនៅផ្សារ ។ បន្ទាប់មកពួក គេក៏ឌុបគ្នាទៅកាន់មាត់ស្ទឹងក្នុងបំណង បោះក្នុងទឹកដើម្បីបំពុលហើយចាប់ត្រី។ គ្រាដែលទៅដល់មាត់ស្ទឹងជនរងគ្រោះជា អ្នកកាន់ផាវហើយមិត្ដភក្ដិម្នាក់ទៀតជាអ្នកកេះដែកកេះដុត ។ លុះពេលដុត ហើយយុវជនរងគ្រោះក៏កាន់បោះទៅក្នុងស្ទឹងតែចៃដន្យផាវក៏ផ្ទុះនៅក្នុងដៃជនរង គ្រោះបណ្ដាលឱ្យបែកអស់ម្រាមដៃចំនួន៣ហើយត្រូវបានបញ្ជូនទៅកាន់មន្ទីរពេទ្យបង្អែកខេត្ដភ្លាមៗ ៕
ដោយ៖ ស សារ៉េត
