ខេត្ដសៀមរាប៖ ប្រជាពលរដ្ឋនៅក្នុង ក្រុងសៀមរាបបានរិះគន់ចំៗទៅលើសមត្ថ កិច្ចនគរបាលចរាចរថាមិនគួរណាបើក ដៃឱ្យរថយន្ដតូចធំដឹកដីចូលមកក្នុងក្រុងសៀមរាបដោយមិនមានការគ្របដីឱ្យ បានសមរម្យទាល់តែសោះព្រោះរថយន្ដទាំងនោះបានធ្វើឱ្យហុយដីមកលើលំនៅឋានរបស់ពួកគាត់ស្ទើររាល់ថ្ងៃដែលធ្វើ ឱ្យប៉ះពាល់ដល់បរិស្ថាននិងសុខភាពប្រជា ពលរដ្ឋយ៉ាងធ្ងន់ធ្ងរ។ មិនតែប៉ុណ្ណោះ រថយន្ដទាំងនោះបើកលឿនៗណាស់ធ្វើឱ្យពួកគាត់មានការព្រួយបារម្ភដល់សុវត្ថិ ភាពកូនៗរបស់ពួកគាត់ដែលទៅសាលារៀននិង ចេញពីសាលារៀនមកផ្ទះវិញ។
លោកមីង យឿន ដែលមានលំនៅ ឋានជាប់នឹងផ្លូវជាតិលេខ៦បានប្រាប់ អ្នកសារព័ត៌មានថាសព្វថ្ងៃនេះពួកគាត់មានការធុញថប់យ៉ាងខ្លាំងដោយសារតែរថយន្ដដឹកដីតូចធំបើកចូលក្រុងដោយមិនមានការគ្របស្បៃឬគ្របកៅស៊ូតង់ អ្វីនៅលើរថយន្ដដឹកដីនោះទ្បើយបណ្ដាលឱ្យហុយមកលើលំនៅឋានរបស់ពួកគាត់ហើយពិសេសទៅទៀតនោះគឺហុយប៉ះ ពាល់ទៅលើអ្នកធ្វើដំណើរតាមដងផ្លូវ នោះតែម្ដង។ ករណីនេះលោកបានចោទ ជាសំណួរថានេះហើយឬទីក្រុងទេសចរណ៍ ដែលទទួលបានផ្ការំដួល៣ទងជាទីក្រុង ស្អាត ?
ចំណែកលោកពូ លី រស់នៅសង្កាត់ ជ្រាវបានប្រាប់ថា នៅខាងគាត់ក៏មិនខុស ពីក្នុងក្រុងសៀមរាបនោះដែររថយន្ដដឹកដីតូចធំបើកប្រដេញគ្នាហុយសំពោងមិន ដែលឃើញសមត្ថកិច្ចនិងអាជ្ញាធរមូលដ្ឋានណាអើពើនោះឡើយពីព្រោះរថយន្ដទាំងនោះបើកលឿនៗព្រមទាំងយកអ្វី គ្របនោះទេ។ ដូច្នេះលោកសុំឱ្យអាជ្ញាធរ ជួយមើលរថយន្ដដឹកដីទាំងអស់នោះផងពីព្រោះវាខ្លាំងណាស់។
លោកវរសេនីយ៍ទោ ជឹម សុវណ្ណ នាយការិយាល័យចរាចរណ៍ផ្លូវគោក ខេត្ដសៀមរាបកាសែតនគរវត្ដមិនអាចទាក់ទងសុំការបំភ្លឺជុំវិញការរិះគន់នេះបាន ទេដោយសារ លោកមិនលើកទូរស័ព្ទ។
លោក សូបា្ល តុង អភិបាលក្រុង សៀមរាបបានប្រាប់អ្នកព័ត៌មានយើងនៅ ព្រឹកថ្ងៃទី២០ ខែមករា ឆ្នាំ២០១៦ ថា ចំពោះបញ្ហាដែលរថយន្ដតូចធំដឹកដី ចូលក្រុងលោកទទួលស្គាល់ថាមានមែនហើយលោកនឹងមានវិធានការកោះប្រជុំគណៈបញ្ជាការឯកភាពដើម្បីបន្ដពង្រឹងសណ្ដាប់ធ្នាប់និងបរិស្ថាននៅក្នុងក្រុង សៀមរាបឱ្យរថយន្ដដឹកដីទាំងនោះគ្រប ស្បៃឬកៅស៊ូតង់តែក្រោយពីប្រជុំរួចបើមិនធ្វើតាមការណែនាំទេនឹងចាត់វិធានការតាមច្បាប់ ៕
ដោយ៖ ប៊ុន រិទ្ធី
