អភិបាលនៃគណៈអភិបាលខណ្ឌពោធិ៍សែនជ័យ ធ្វើការវាយកម្ទេចទូហ្គេមបាញ់ត្រីចំនួន១២ទូ

ចែករំលែក៖

ភ្នំពេញ៖ លោក ហែម ដារិទ្ធ អភិបាលនៃគណៈអភិបាលខណ្ឌពោធិ៍សែនជ័យ លោក ឃឹម ស៊ុនសូលីដា អភិបាលរងកាលពីរសៀលម៉ោង៣និង ៣០ថ្ងៃទី២១ ខែមករា ឆ្នាំ២០១៦ បានដឹកនាំមន្ត្រីក្រោមឱវាត បានធ្វើពិធីវាយកំទ្ទេចទូហ្គេមបាញ់ត្រី ចំនួន១២ទូ ដែលគណៈបញ្ជាការឯកភាពខណ្ឌ ចុះប្រតិបត្តិការបង្ក្រាបនាពេលកន្លងមកនេះ។

លោក ហែម ដារិទ្ធ អភិបាលនៃគណៈខណ្ឌពោធិ៍សែនជ័យ បានមានមតិថា ក្នុងរយៈជាង២ខែកន្លងមកនេះ សាលាខណ្ឌបានធ្វើការសហការជាមួយព្រះរាជអាជ្ញាអមសាលាដំបូងរាជធានីភ្នំពេញ កម្លាំងនគរបាលខណ្ឌ កម្លាំងមូលដ្ឋានកងរាជអាវុធហត្ថខណ្ឌ សាលាសង្កាត់ និងប្រជាពលរដ្ឋ បង្ក្រាបទីតាំងហ្គេម និងល្បែងភ្នាល់គ្រប់ប្រភេទក្នុងមូលដ្ឋានខណ្ឌ បានចំនួន ៨លើក ស្មើនឹង៨ទីតាំង រួមមាន ប្រសាសន៍ថា ដេីម្បីលុបបំបាត់ល្បែងសីុសងក្នុងមូលដ្ឋានស្របតាមគោលនយោបាយភូមិ-សង្កាត់មានសុវត្ថិភាព និងដើម្បីរក្សាសន្ដិសុខ សណ្ដាប់ធ្នាប់ឱ្យបានល្អជូនពលរដ្ឋទើបនៅរសៀលខាងលើសាលាខណ្ឌពោធិសែនជ័យបានវាយកម្ទេចទូហ្គេមបាញ់ត្រីប្រភេទល្បែងសីុសងចំនួន១២ទូ។

លោក ហែម ដារិទ្ឌ អភិបាលខណ្ឌពោធិ៍សែនជ័យ បានមានប្រសាសន៍បន្តទៀតថា ទូហេ្គមទាំង១២ទូនេះ ត្រូវបានរឹបអូសពីកន្លែងធ្វើអាជីវកម្មខុសច្បាប់ជាច្រើនកន្លែងនៅក្នុងខណ្ឌពោធិសែនជយ័ខណៈដែលពួកគេលួចបើកលេងទាំងយប់ទាំងថ្ងៃ ដោយពុំមានសុំការអនុញ្ញាតពីអាជ្ញាធរនោះឡើយ ដែលបង្វក់សិស្សានុសិស្ស និងយុវវ័យមួយចំនួនលះបង់ការសិក្សាចូលទៅលេងហេ្គម ទាំងនោះដែលបំផ្លាញលុយ ឬទ្រព្យសម្បត្ដិរបស់អាណាព្យាបាល និងបែកគំនិតដើរ លួច ឆក់ ប្លន់ បង្កអសន្តិសុខក្នុងសង្គម៕