ខេត្តកំពង់ចាម៖នគរបាលឃាត់ខ្លួនជនសង្ស័យ៤នាក់ ពីបទរក្សាទុក និងដឹកជញ្ជូន ឬជួយដូរដោយខុសច្បាប់ នូវសារធាតុញៀន ឥឡូវនេះលោក ខៀវ សន ចៅក្រមសើុបសួរសាលាដំបូងខេត្តកំពង់ចាម ចេញដីកាបង្គាប់ឲ្យឃុំខ្លួន លេខ៤៥ លេខ៤៦ លេខ៤៧ និងលេខ៤៨ ចុះថ្ងៃទី ២១ ខែមករា ឆ្នាំ២០១៦ ហើយ។
គួររំលឹកផងដែរ កាលពីថ្ងៃទី ១៨ ខែមករា ឆ្នាំ២០១៦ វេលាម៉ោង ២២និង ១៥នាទី នៅចំណុចភូមិទី១០ សង្កាត់កំពង់ចាម ក្រុងកំពង់ចាម កម្លាំងជំនាញរបស់ការិយាល័យប្រឆាំងគ្រឿងញៀន បានប្រើប្រាស់ជំនាញចុះបង្ក្រាប ១ករណី ពីបទរក្សាទុក និងដឹកជញ្ជូន ឬជួយដូរដោយខុសច្បាប់ នូវសារធាតុញៀន ឃាត់ខ្លួនជនសង្ស័យប្រុសស្រី៤នាក់ ទី១-ឈ្មោះ ជា ធារ៉ា ភេទប្រុស អាយុ២០ឆ្នាំ ជាតិខ្មែរ មុខរបរកម្មករ រស់នៅភូមិទី១០ សង្កាត់កំពង់ចាម ក្រុង-ខេត្តកំពង់ចាម, ទី២-ឈ្មោះ ជា សល់ ភេទប្រុស អាយុ៣១ឆ្នាំ ជាតិខ្មែរ មុខរបរដឹកអីវ៉ាន់ រស់នៅភូមិទី១០ សង្កាត់កំពង់ចាម ក្រុង- ខេត្តកំពង់ចាម, ទី៣-ឈ្មោះ ឆេន សុខឃីម ភេទប្រុស អាយុ៣៤ឆ្នាំ ជាតិខ្មែរ មុខរបរអ្នកលក់នំបុ័ង រស់នៅភូមិទី១០ សង្កាត់កំពង់ចាម ក្រុង-ខេត្តកំពង់ចាមនិងទី៤-ឈ្មោះ ឡៃ ពេជ្រ ភេទស្រី អាយុ ១៨ឆ្នាំ ជាតិខ្មែរ មុខរបរមិនពិតប្រាកដ រស់នៅភូមិទី១០ សង្កាត់កំពង់ចាម ក្រុង-ខេត្តកំពង់ចាម ។
បច្ចុប្បន្នជនសង្ស័យប្រុសស្រីទាំង៤នាក់ខាងលើត្រូវបានសមត្ថកិច្ចជំនាញ បញ្ជូនទៅឃុំខ្លួននៅពន្ធនាគារខេត្តកំពង់ចាមរួចរាល់ហើយតាមបញ្ញាតិ្តមាត្រា៤០ និង មាត្រា៤៥ នៃច្បាប់ស្តីពីការត្រួតពិនិត្យគ្រឿងញៀន ៕
ដោយ៖ ហេង នរិន្ទ្រ
