នៅពេលនេះប្រធានាធិបតីកូរ៉េខាងត្បូង ម៉ូន ជេអ៊ីន បានចេញមុខអំពាវនាវដល់កូរ៉េខាងជើង បញ្ឈប់សកម្មភាពដែលធ្វើឲ្យប្រទេសទាំងពីរប្រឈមមុខតានតឹងសារជាថ្មី។ ការអំពាវនាវរបស់ប្រធានាធិបតី ក្រោយពេល មេដឹកនាំកូរ៉េខាងជើងព្រមានកាត់ផ្តាច់រាល់ទំនាក់ទំនងជាមួយកូរ៉េខាងជើង។
មានប្រសាសន៍នៅក្នុងសន្និសីទកាសែត នៅថ្ងៃទី១៥ ខែមិថុនា ប្រធានាធិបតី ម៉ូន ជេអ៊ីនបានលើកឡើងថា លោកពិតជាសោកស្តាយយ៉ាងខ្លាំង ដែលទំនាក់ទំនងរវាងកូរ៉េខាងជើង និងអាមេរិក មិនមានការរីកចម្រើនដូចការចង់បាន។ ប៉ុន្តែលោកបានលើកឡើងថានេះជាពេលវេលាដែល កូរ៉េទាំងពីរចាំបាច់ត្រូវតែស្វែងរកចំណុចល្អដើម្បីបញ្ចប់ភាពជាប់គាំង។
ពាក់ព័ន្ធនិងសេចក្តីប្រកាសរួមដែល ប្រធានាធិបតីកូរ៉េខាង ត្បូង ម៉ូន ជេអ៊ីន និងមេដឹកនាំគីម ជុងអ៊ុន ពីរលើកកន្លងមក នៅព្រំដែន និងនៅទីក្រុងព្យុងយ៉ាងកាលពីឆ្នាំ២០១៨ លោកម៉ូន បញ្ជាក់ថា«ពាក្យសន្យាពីសន្តិភាពនៅឧបទ្វីបកូរ៉េ របស់មេដឹកនាំគីម ជុងអ៊ុនបាននិយាយទៅកានពលរដ្ឋ៨០ លានាក់គឺជារឿង មិនអាច ក្រឡាស់បានឡើយ»។
លោកម៉ូន បន្តទៀតថា«កូរ៉េខាងជើង មិនគួរកាត់ផ្តាច់បណ្តញទំនាក់ទំនងនៅព្រំដែនឡើយ អាចជំរ៉ុញឲ្យវិលត្រឡប់ទៅរកភាពតានតឹង ដូចកាលពីអតីតកាល ។ ខ្ញុំសង្ឃឹមថា នឹងដោះស្រាយរាល់បញ្ហា ប្រឈមមុខ តាមបណ្តាញទំនាក់ទំនងនោះ» ៕
